WhatsApp कडून अनेक नवीन फीचर्सची घोषणा करण्यात आली आहे. या फीचर्सची माहिती 'Wabetainfo' ने शेअर केली आहे. नवीन अपडेटनुसार, युजर्सना चॅट्स मॅनेज करणं आणि वेगवेगळ्या डिव्हाइसेसवर कंटेंट मॅनेजमेंट करणं आता अधिक सोपं झालं आहे. WhatsApp च्या नवीन अपडेटमध्ये युजर्सना एकूण नवीन फीचर्स पाहायला मिळतील. यामध्ये स्टोरेज, अकाउंट मॅनेजमेंट, मेसेजिंग टूल्स आणि AI बेस्ड इम्प्रूव्हमेंट समावेश आहे.
स्पेस कमी करणं सोपं
WhatsApp ने नवीन 'स्टोरेज टूल्स' ची घोषणा केली आहे. याद्वारे युजर्स कोणत्याही एका चॅटमधील मोठ्या फाइल्स शोधून त्या डिलीट करू शकतील. यासाठी पूर्ण चॅट डिलीट करण्याची गरज नाही. युजर्सकडे फक्त मीडिया (फोटो-व्हिडीओ) डिलीट करून टेक्स्ट मेसेज सुरक्षित ठेवण्याचा पर्याय उपलब्ध असेल.
चॅट ट्रान्सफर करणं सोपं
WhatsApp ने चॅट हिस्ट्री ट्रान्सफर करणं अधिक सोपं केलं आहे. आता एपलचे iOS आणि गुगलचे अँड्रॉइड या दोन वेगवेगळ्या ऑपरेटिंग सिस्टममध्ये चॅट हिस्ट्री ट्रान्सफर करणं सोपं झालं आहे. युजर्स क्लाउड बॅकअपशिवाय थेट मेसेज, फोटो आणि व्हिडीओ ट्रान्सफर करू शकतील.
iPhone वर 'मल्टी अकाउंट' फीचर
ॲपलच्या iPhone साठी 'मल्टिपल अकाउंट' सपोर्ट जारी करण्यात आला आहे. आता आयफोन युजर्स एकाच एपमध्ये दोन वेगवेगळे नंबर वापरू शकतील. यासाठी एक अकाउंट लॉगआउट न करता फक्त 'स्विच' करावं लागेल. टॅब बारमध्ये प्रोफाईल फोटो दिसेल, ज्यामुळे कोणते अकाउंट सक्रिय आहे हे समजेल. यामुळे पर्सनल आणि कामाचं अकाउंट वेगळं ठेवणं सोपं होईल.
Meta AI सह फोटो एडिटिंग
WhatsApp वर मिळणाऱ्या Meta AI च्या मदतीने आता फोटो एडिटिंगही करता येईल. याद्वारे फोटोमधील नको असलेलं ऑब्जेक्ट्स काढणं, बॅकग्राउंड बदलणं आणि विविध स्टाईल्स वापरणं शक्य होईल. सुरुवातीला हे फीचर काही निवडक लोकांसाठी उपलब्ध असेल.
AI रायटिंग हेल्प फीचर
'रायटिंग हेल्प' हे फीचर समोरच्या व्यक्तीनुसार मेसेजचे सल्ले देईल. तसेच युजर्सना अधिक अचूक आणि योग्य उत्तरांचे पर्याय सुचवेल. हे फीचर वापरताना युजर्सच्या प्रायव्हसीची पूर्ण काळजी घेण्यात आली आहे.
WhatsApp च्या या लेटेस्ट फीचर्सचं रोलआउट सुरू झालं असून येणाऱ्या काही दिवसांत हे फीचर्स जगभरातील सर्व युजर्सपर्यंत पोहोचतील.
Web Summary : WhatsApp introduces multiple accounts on iPhone, AI photo editing, enhanced storage management, and easier chat transfers between iOS and Android. The update includes AI writing assistance, ensuring privacy and tailored message suggestions. These features will be available globally soon.
Web Summary : WhatsApp ने iPhone पर मल्टीपल अकाउंट, AI फोटो एडिटिंग, बेहतर स्टोरेज मैनेजमेंट और iOS और Android के बीच आसान चैट ट्रांसफर पेश किए। अपडेट में AI राइटिंग असिस्टेंस शामिल है, जो गोपनीयता और अनुरूप संदेश सुझाव सुनिश्चित करता है। ये सुविधाएँ जल्द ही विश्व स्तर पर उपलब्ध होंगी।