सॅमसंगच्या या दमदार 5G फोनवर 4,000 रुपयांचा डिस्काउंट; अतिरिक्त डिस्काउंटसाठी बँक ऑफर्सची घोषणा
By सिद्धेश जाधव | Published: October 2, 2021 05:37 PM2021-10-02T17:37:52+5:302021-10-02T17:37:57+5:30
Amazon Great Indian Sale Offers: अ‍ॅमेझॉन ग्रेट इंडियन सेल अंतर्गत Samsung Galaxy M32 वर 4000 रुपयांचा डिस्काउंट दिला जात आहे, तसेच HDFC बँकेच्या कार्डवरून अतिरिक्त डिस्काउंट मिळवता येईल.
सॅमसंगच्या या दमदार 5G फोनवर 4,000 रुपयांचा डिस्काउंट; अतिरिक्त डिस्काउंटसाठी बँक ऑफर्सची घोषणा
Next सॅमसंग गॅलेक्सी M सीरीजमधील 5G स्मार्टफोन Galaxy M32 वर 4,000 रुपयांचा डिस्काउंट दिला जात आहे. ही सूट अ‍ॅमेझॉन ग्रेट इंडियन सेल अंतर्गत दिली जाईल. त्यामुळे 20,999 रुपयांच्या किंमतीत सादर झाला हा फोन 16,999 रुपयांमध्ये विकत घेता येईल. तसेच HDFC बँकेच्या कार्डने खरेदी केल्यास 1500 रुपयांचा अतिरिक्त डिस्काउंट देखील मिळू शकतो.
Samsung Galaxy M32 चे स्पेसिफिकेशन्स
Samsung Galaxy M32 5G स्मार्टफोनमध्ये 6.5 इंचाचा एचडी+ इनफिनिटी ‘व्ही’ डिस्प्ले देण्यात आला आहे. हा एक 60 हर्ट्ज रिफ्रेश रेटवर काम करणारा TFT डिस्प्ले आहे, जो Corning Gorilla Glass 5 प्रोटेक्शनसह येतो. हा अँड्रॉइड 11 ओएसवर आधारित OneUI 3.1 वर चालतो. या फोनमध्ये MediaTek Dimensity 720 चिपसेट देण्यात आला आहे. भारतात हा फोन 6GB RAM आणि 128GB स्टोरेजसह लाँच झाला आहे. या फोनची स्टोरेज मायक्रोएसडी कार्डने 1टीबी पर्यंत वाढवता येते.
सॅमसंगच्या या स्मार्टफोनमध्ये क्वाड रियर कॅमेरा सेटअप देण्यात आला आहे. फोनच्या मागे एलईडी फ्लॅशसह 48 मेगापिक्सलचा मुख्य कॅमेरा, 8 मेगापिक्सलची अल्ट्रावाईड लेन्स, 5 मेगापिक्सलचा डेप्थ सेन्सर आणि 2 मेगापिक्सलची मॅक्रो लेन्स देण्यात आली आहे. सेल्फी आणि व्हिडीओ कॉलिंगसाठी या फोनमध्ये 13 मेगापिक्सलचा फ्रंट कॅमेरा मिळतो.
कनेक्टिव्हिटीसाठी या फोनमध्ये 5G, 4G LTE, ड्युअल-बॅंड Wi-Fi, Bluetooth 5.1, GPS, USB Type-C port, आणि 3.5mm जॅक असे ऑप्शन देण्यात आले आहेत. या सॅमसंग स्मार्टफोनमध्ये 5,000एमएएचची मोठी बॅटरी देण्यात आली आहे.