OnePlus Nord 2 : भयंकर! फोनवर बोलत असतानाच झाला OnePlus Nord 2 चा भीषण स्फोट; युजर जखमी

OnePlus Nord 2 : पुन्हा एकदा OnePlus Nord 2 च्या फोनचा भीषण स्फोट झाल्याची घटना समोर आली आहे.

नवी दिल्ली - OnePlus Nord सीरीजच्या फोनमध्ये स्फोट होत असल्याच्या घटना समोर येत आहे. काही महिन्यांपूर्वी वनप्लस नॉर्ड 2 फुटल्याची घटना घडली होती. यानंतर आता पुन्हा एकदा OnePlus Nord 2 च्या फोनचा भीषण स्फोट झाल्याची घटना समोर आली आहे. धक्कादायक बाब म्हणजे फोनवर बोलत असतानाच हा स्फोट झाला असून यामध्ये युजर जखमी झाला आहे. 

सोशल मीडियावर एका युजरने हा दावा केला आहे. ट्विटर युजरने दिलेल्या माहितीनुसार, वन प्लस नॉर्ड 2 मध्ये स्फोट झाल्याने भावाच्या हाताला आणि चेहऱ्याला दुखापत झाली आहे. भाऊ फोनवर बोलत असतानाच ही धक्कादायक घटना घडली आहे. तसेच कंपनीने या प्रकरणाचा तपास करत असल्याचं म्हटलं आहे. 

@OnePlus_IN Is that your NEVER SETTLE?? This is not a joke! He could have got serious injuries too but luckily he is alive! We just asked for a healthy solution for this, not any compensation or anything else.All I get from you is NO NO NO NO, we can’t do anything pic.twitter.com/RTVUaDln67

— Lakshay Verma (@lakshayvrm) March 31, 2022

युजरने ट्विटरवर स्फोट झाल्यानंतर फोनची नेमकी कशी अवस्था झाली याचे काही फोटो देखील शेअर केले आहेत. फोनची अवस्था पाहून त्याला ओळखणं देखील कठीण झालं आहे. पण हा भीषण स्फोट नेमका कसा झाला याचं कारण अद्याप समोर आलेलं नाही. वन प्लसने याबाबत कोणतीच माहिती दिलेली नाही. याआधी देखील अशा काही घटना समोर आल्या आहेत. एका हिंदी वेबसाईटने याबाबतचे वृत्त दिले आहे.