Motorola G35 5G: डॉल्बी साउंड असलेला मोटोरोलाचा 5G फोन ८,९९९ रुपयांत लॉन्च! 

Motorola G35 5G Launched: फ्लिपकार्टच्या बिग बिलियन डेज सेल दरम्यान, मोटोरोलाचा जी-सीरीज बजेट फोन एक आकर्षक डीलवर उपलब्ध आहे.

फ्लिपकार्टच्या बिग बिलियन डेज सेलदरम्यान, मोटोरोलाचा जी-सीरीज बजेट फोन एक आकर्षक डीलवर उपलब्ध आहे. आम्ही येथे २०२३ डिसेंबरमध्ये लाँच झालेल्या मोटोरोला जी ३५ 5G बद्दल बोलत आहोत. ४ जीबी रॅम आणि १२८ जीबी इंटरनल स्टोरेज असलेला हा स्मार्टफोन ९ हजार ९९९ रुपयांत लॉन्च करण्यात आला. परंतु, फ्लिपकार्ट सेल दरम्यान, आता तो फक्त ₹८,९९९ मध्ये उपलब्ध आहे. शिवाय, या स्मार्टफोनच्या खरेदीवर ग्राहकांना ५ टक्के कॅशबॅक ऑफर देखील मिळत आहे. तसेच, हा फोन ३१७ पासून सुरू होणाऱ्या ईएमआयसह उपलब्ध आहे.

एक्सचेंज बोनस म्हणून ग्राहकांना ६ हजार ६९० पर्यंत सूट मिळू शकते. मात्र, हा बोनस तुमच्या जुन्या फोनच्या स्थिती, ब्रँड आणि कंपनीच्या एक्सचेंज पॉलिसीवर आधारित असेल. फोनमध्ये डॉल्बी ऑडिओ, ५००० एमएएच बॅटरी आणि ५०-मेगापिक्सेल मुख्य कॅमेरा यांसारखी दमदार फीचर्स देण्यात आली.

मोटोरोला जी ३५ 5G: डिस्प्ले

मोटोरोलाच्या या बजेट ५जी स्मार्टफोनमध्ये ६.७२ इंचाचा फुल एचडी+ एलसीडी पॅनल आहे ज्याचे रिझोल्यूशन २४०० x १०८० पिक्सेल आहे. हा डिस्प्ले १२० हर्ट्झ रिफ्रेश रेटला सपोर्ट करतो. डिस्प्लेची पीक ब्राइटनेस १००० निट्स आहे. डिस्प्ले प्रोटेक्शनसाठी कंपनी गोरिल्ला ग्लास ३ देखील देते.

मोटोरोला जी ३५ 5G: स्टोरेज

फोनमध्ये ४ जीबी एलपीडीडीआर४एक्स रॅम आणि १२८ जीबी यूएफएस २.२ स्टोरेज आहे. प्रोसेसर युनिसॉक टी७६० चिपसेट आहे.

मोटोरोला जी ३५ 5G: कॅमेरा

फोनच्या मागील पॅनलमध्ये फोटोग्राफीसाठी एलईडी फ्लॅशसह ड्युअल कॅमेरा सेटअप आहे. यामध्ये ५० मेगापिक्सेलचा प्राइमरी सेन्सर आणि ८ मेगापिक्सेलचा अल्ट्रा-वाइड-अँगल लेन्स समाविष्ट आहे. सेल्फीसाठी फोनमध्ये १६ मेगापिक्सेलचा फ्रंट कॅमेरा आहे.

मोटोरोला जी ३५ 5G: बॅटरी

या फोनमध्ये ५००० एमएएच बॅटरी आहे. ही शक्तिशाली बॅटरी १८ वॅट चार्जिंगला सपोर्ट करते. ऑपरेटिंग सिस्टमबद्दल बोलायचे झाले तर, फोन अँड्रॉइड १५ वर चालतो. बायोमेट्रिक सुरक्षेसाठी, यात साइड माउंटेड फिंगरप्रिंट सेन्सर मिळेल.