इलॉन मस्क यांची मोठी घोषणा WhatsApp ला टक्कर देण्यासाठी आणले X Chat, पाहा फीचर्स...

लवकरच X Money देखील लॉन्च केले जाईल.

इलॉन मस्क यांनी आपल्या सोशल मीडिया प्लॅटफॉर्म X (पूर्वीचे ट्विटर) वर नवीन मेसेजिंग सर्व्हिस "X Chat" सुरू केले आहे. ही सेवा थेट X च्या DM सेक्शनमध्ये उपलब्ध होणार असून, युजर्सना अधिक सुरक्षित आणि प्रायव्हसी-फोकस्ड चॅटिंगचा अनुभव देणार आहे.

काय आहे X Chat ?

X Chat ही X प्लॅटफॉर्मवरील नवी आणि स्वतंत्र मेसेजिंग सेवा आहे. याचा उद्देश WhatsApp आणि भारतीय Arattai सारख्या अॅप्सना टक्कर देणे हा आहे.

यामध्ये खालील महत्त्वाचे फीचर्स दिले आहेत:

एंड-टू-एंड एनक्रिप्शन

ॲडव्हान्स्ड मेसेजिंग कंट्रोल

वेगळी मेसेजिंग इनबॉक्स प्रणाली 

ऑडिओ, व्हिडिओ आणि फाइल शेअरिंगसाठी एनक्रिप्टेड सपोर्ट

काय म्हणाले इलॉन मस्क? 

इलॉन मस्क यांनी सांगितले की, X वर एक नवीन कम्युनिकेशन सिस्टम सुरू झाली आहे. यात एनक्रिप्शनसह चॅटिंग, ऑडिओ-व्हिडिओ कॉलिंग आणि फाइल ट्रान्सफरची सुविधा मिळेल. तसेच, लवकरच X Money लॉन्च केली जाईल.

X Chat मध्ये खास काय?

1. मेसेज एडिट/डिलीट/डिसअपिअर फीचर्स

युजर्स पाठवलेले मेसेज एडिट, डिलीट आणि पूर्णपणे गायब करू शकतात. WhatsApp वर ‘This message was deleted’ दिसते, पण X Chat वर असा कोणताही मेसेज दिसणार नाही.

2. स्क्रीनशॉट ब्लॉकिंग फीचर

प्रायव्हसी वाढवण्यासाठी X Chat मध्ये सीक्रेट मेसेजेसचे स्क्रीनशॉट घेणे शक्य होणार नाही.

3. ग्रुप चॅट + मीडिया एनक्रिप्शन

ग्रुप मेसेजेस, फोटो-व्हिडिओसुद्धा एनक्रिप्टेड असतील.

X Chat कसे वापरायचे?

सध्या X Chat हे iOS आणि वेब व्हर्जन वर उपलब्ध आहे. ते वापरण्यासाठी X च्या DM सेक्शनमध्ये जावे लागेल. अँड्रॉइड व्हर्जन लवकरच येणार आहे.