'ChatGPT' ला हे प्रश्न विचारू नका, नाहीतर तुम्ही मोठ्या अडचणीत सापडू शकता

ChatGPT आणि इतर AI टूल्स तुमचे काम सोपे करू शकतात, परंतु या टूल्सवर आंधळेपणाने विश्वास ठेवणे तुम्हाला धोक्यात आणू शकते.

एआयमुळे अनेक कामे सोपी झाली आहेत. चॅटजीपीटी तुम्हाला काही सेकंदातच तुमच्या प्रश्नाचे उत्तर देऊ शकते. आपली कामे सोपी झाली असली तरीही एआयवर एवढा विश्वास ठेवणे तुम्हाला अडचणीत आणू शकते. एआय प्रत्येक प्रश्नाचे उत्तर देण्यात तज्ञ आहे, पण चॅटजीपीटी आणि इतर एआय टूल्स प्रत्येक वेळी योग्य सल्ला देतात असं नाही.ल काही प्रश्न एआय टूलला कधीच विचारु नका. नाहीतर तुम्ही कायदेशीर अडचणीत येऊ शकता.

चॅटजीपीटीवर तुम्ही जर शेअर बाजारात गुंतवणुकीचे प्रश्न विचारत किंवा सल्ले घेत असाल तर आताच बंद करा. AI चा सल्ला तुम्हाला अडचणीत आणू शकतो. गुंतवणुकीच्या बाबतीत, AI चा सल्ला घेण्याऐवजी, स्वतः संशोधन करणे आणि नंतर निर्णय घेणे चांगले, अन्यथा तुमचे नुकसान देखील होऊ शकते.

आरोग्याबाबत सल्ला घेऊ नका

एआय टूल्स तुमच्या सर्वच प्रश्नांची उत्तरे देत असले तरीही तुम्ही आरोग्याबाबत सल्ले अजिबात घेऊ नका. AI कडून मिळणारा आरोग्य सल्ला तुम्हाला अडचणीत आणू शकतो, आजारावर उपचार घेण्यासाठी फक्त डॉक्टरांचा सल्ला घ्या.

तसेच जर तुम्ही कायदेशीर प्रकरणात ChatGPT किंवा AI ची मदत घेण्याचा विचार करत असाल, तर AI टूल्सचे कायदेशीर मत चुकीचे ठरू शकते आणि तुम्ही अडचणीत येऊ शकता. कायदेशीर प्रकरणात, तुम्ही AI ऐवजी वकिलांचा सल्ला घ्यावा.

ही काळजी घ्या...

सध्या अनेक जण ट्रेंड फॉलो करत असतात. असे ट्रेंड फॉलो करुन तुम्ही जाळ्यात अडकू नको. काही दिवसापूर्वी घिबली ट्रेंड आला तेव्हा सर्वांनी हा ट्रेंड फॉलो केला.यावेळी चॅटजीपीटीवर त्यांचे वैयक्तिक फोटो अपलोड करायला सुरुवात केली. एआयने तुमच्यासाठी घिबली आर्टचा एक फोटो तयार केला पण या फोटोच्या मागे लागून तुम्ही तुमचा वैयक्तिक फोटो एआयला दिला, जो आज नाही तर उद्या कोणत्याही कारणासाठी वापरण्यात येईल.

चॅट जीपीटीवर तुम्ही फक्त साधे प्रश्न विचारु शकता. प्रवासाचे नियोजन करण्यासाठी, अभ्यासात मदत करण्यासाठी, शहराबद्दल माहितीसाठी किंवा तुमचे कौशल्य सुधारण्यासाठी तुम्ही ChatGPT वापरू शकता.