व्हॅलेंटाईन डे निमित्त ॲपलचं खास सरप्राईज! iPhone, MacBook आणि iPad वर मिळतेय मोठी सूट

Apple Valentines Day Sale 2026: ॲपलने भारतात आपला खास व्हॅलेंटाईन डे सेल सुरू केला आहे. आयफोन १७ सिरीजपासून ते शक्तिशाली मॅकबुकपर्यंत, सर्वच उत्पादनांवर भरघोस बँक ऑफर्स मिळत आहेत.

'व्हॅलेंटाईन डे'चे औचित्य साधून टेक दिग्गज ॲपलने भारतीय ग्राहकांसाठी आपला खास सेल जाहीर केला. या सेलमध्ये आयफोन, मॅकबुक, आयपॅड आणि ॲपल वॉच खरेदी करणाऱ्यांना हजारो रुपयांची बचत करण्याची संधी मिळत आहे. विशेष म्हणजे, यावेळी किंमतीत थेट कपात करण्याऐवजी ॲपलने इन्स्टंट बँक कॅशबॅकवर भर दिला आहे.

हा सेल सध्या ॲपल इंडियाच्या अधिकृत वेबसाइटवर लाइव्ह आहे. ग्राहक ऑनलाइन ऑर्डर करून या ऑफरचा लाभ घेऊ शकतात. पेमेंट करताना पात्र बँक कार्ड वापरल्यास कॅशबॅकची रक्कम त्वरित वजा केली जाते, ज्यामुळे उत्पादनाची किंमत कमी होते.या सेलसाठी ॲपलने आयसीआयसीआय बँक, अ‍ॅक्सिस बँक आणि अमेरिकन एक्सप्रेससोबत भागीदारी केली आहे. या बँकांच्या कार्डवर ग्राहकांना त्वरित कॅशबॅक मिळत आहे.

मॅकबुकवर सर्वात मोठा धमाका 

-मॅकबुक एअर (१३-इंच, M4 चिप): मूळ किंमत ₹९९,९०० असली तरी, १० हजारांच्या कॅशबॅकनंतर हा मॅकबुक ८९,९०० मध्ये उपलब्ध आहे.
- मॅकबुक एअर (१३-इंच, M4 चिप): १,६९,९०० ऐवजी आता ₹१,५९,९०० मध्ये मिळेल.
- मॅकबुक एअर (१३-इंच, M4 Pro चिप): या प्रीमियम मॉडेलची प्रभावी किंमत २,३९,९०० झाली आहे.

iPhone 17 सिरीजवर आकर्षक ऑफर्स

- आयफोन १७ प्रो. मॅक्स: प्रभावी किंमत ₹१,४९,९०० रुपये
-आयफोन १७ प्रो: प्रभावी किंमत ₹१,२४,९०० रुपये
-आयफोन १७ एअर: हा फोन आता ₹१,१४,९०० मध्ये खरेदी करता येईल
-आयफोन १७: ५ हजारांच्या कॅशबॅकसह ७७,९०० मध्ये उपलब्ध

ॲपल वॉच आणि वेअरेबल्सवरही सूट

- ॲपल वॉच सीरिज ११: खरेदीवर ४ हजारांची सूट
-ॲपल वॉच एसई ३: बजेट फ्रेंडली वॉचवर २ हजारांची सूट