Apple ने आणला iPhone 16 सिरिजमधील सर्वात स्वस्त फोन 16e ! पाहा किंमत व फिचर्स
By ऑनलाइन लोकमत | Updated: February 20, 2025 00:11 IST2025-02-20T00:10:24+5:302025-02-20T00:11:12+5:30
Apple iPhone 16e launched, Price in India: ऑनलाईन बुकिंग केव्हापासून, स्टोअरमध्ये कधी उपलब्ध होणार? जाणून घ्या
Apple ने आणला iPhone 16 सिरिजमधील सर्वात स्वस्त फोन 16e ! पाहा किंमत व फिचर्स
Apple iPhone 16e launched, Price in India : जगातील सर्वात लोकप्रिय स्मार्टफोन बनवणारी कंपनी Apple Inc ने त्यांच्या आयफोन १६ सिरीजमधील सर्वात स्वस्त फोन, Apple iPhone 16e लाँच केला आहे. कंपनीचे सीईओ टिम कुक यांनी गेल्या आठवड्यातच या फोनच्या लाँचिंगची माहिती दिली होती. कंपनीने हा फोन ऑनलाइन लाँच केला आहे आणि यासोबत आयफोन १६ सिरीज पूर्ण झाल्याचेही सांगण्यात आले आहे. या नव्या फोनमध्ये तुम्हाला कोणते फीचर्स मिळतील आणि त्याची किंमत किती, जाणून घेऊया.
फोनमध्ये ४८ मेगापिक्सेल २-इन-१ कॅमेरा
आयफोन हा मुख्यत्वे त्याच्या कॅमेऱ्यासाठी ओळखला जातो. कंपनीने आयफोन १६ मालिकेतील सर्व फोनमध्ये उत्तम कॅमेरे दिले आहेत आणि या फोनमध्येही त्याची काळजी घेण्यात आली आहे. Apple iPhone 16e ची किंमत कमी असूनही, कंपनीने त्यात एक उत्कृष्ट 48-मेगापिक्सेल फ्यूजन कॅमेरा दिला आहे. यातील फ्रंट कॅमेरा आयफोन १६ मालिकेतील उर्वरित फोनच्या कॅमेऱ्यासारखाच आहे.
Meet iPhone 16e. Built for Apple Intelligence and powered by A18 — the latest-generation chip — it comes packed with a 48MP Fusion camera, supersized battery life and a durable design.
— Apple (@Apple) February 19, 2025
साधारणपणे अॅपल फोनमध्ये ड्युअल कॅमेरा सिस्टम असते, परंतु अॅपल आयफोन १६ई मध्ये कंपनीने २-इन-१ कॅमेरा सेटअप दिला आहे. येथे कंपनीने फक्त एक कॅमेरा लेन्स दिली आहे, परंतु त्यात 2x टेलिफोटोची सुविधा देखील आहे. यामुळे Apple iPhone 16e चा कॅमेरा नियमित ड्युअल कॅमेरा सेटअपइतकाच शक्तिशाली बनतो आणि तो अद्भुत फोटो आणि व्हिडिओ काढू शकतो.
२६ तासांची बॅटरी लाईफ
कंपनीने Apple iPhone 16e मध्ये A18 चिप दिली आहे, ज्यामुळे त्याची कार्यक्षमता मजबूत होते. त्याच वेळी, त्यात iOS 18 उपलब्ध असेल, ज्यामुळे फोनचे कार्य सुरळीत होते. यात C1 मॉडेम आहे, जो उत्कृष्ट 5G कनेक्टिव्हिटी देतो. हे कंपनीचे आतापर्यंतचे सर्वात कमी वीज वापरणारे मॉडेम देखील आहे. त्याच वेळी, यामध्ये तुम्हाला दीर्घ बॅटरी लाइफ मिळते, जी एका चार्जमध्ये २६ तासांचा व्हिडिओ प्लेबॅकसह बॅकअप देते. त्याची बॅटरी Apple iPhone 11 पेक्षा 6 तास जास्त आणि Apple iPhone SE मालिकेतील सर्व फोनपेक्षा 12 तास जास्त चालते. टाइप-सी चार्जर व्यतिरिक्त, तुम्ही हा फोन वायरलेस पद्धतीने देखील चार्ज करू शकता.
The news is out. #AppleLaunch
Add #AppleLaunch to a post for a special look at the new iPhone 16e.— Apple (@Apple) February 19, 2025
ChatGPT, Siri आणि Apple Intelligence यासह प्रायव्हसीची सोय
अॅपल फोन त्यांच्या प्रायव्हसीसाठीही ओळखले जातात. कंपनीचा दावा आहे, की ग्राहकांना Apple iPhone 16e मध्ये सर्व प्रायव्हसी फिचर्स मिळतील. याव्यतिरिक्त, सिरीला अॅपल इंटेलिजेंसने अडव्हान्स व्हर्जनमध्ये आणले आहे. ती अनेक नवीन भाषा समजू शकते. यामध्ये इंग्रजी (भारत) आवृत्तीचा समावेश करण्यात आला आहे.
अॅपल इंटेलिजेंस फीचरमुळे, तुम्ही तुमचे फोटो त्वरित एडिट करू शकता. तुम्ही सर्च टेक्स्ट लिहून फोटोही झटपट शोधू शकता. तुम्ही त्याच्या मदतीने तुमच्या आवडीचे इमोजी देखील तयार करू शकता आणि मजकूर लिहून ते शोधू शकता. हे अॅपल इंटेलिजेंस तुमचे वैयक्तिक सहाय्यक म्हणून काम करेल. तसेच, या फोनमध्ये ChatGPT इन-बिल्ट असेल, परंतु ते नियंत्रित करण्याचे अधिकार युजरकडे असतील.
Meet iPhone 16e, the latest iPhone at the greatest price. Built for Apple
— Apple (@Apple) February 19, 2025
Intelligence and powered by A18, the latest-generation chip, it comes
packed with a 48MP Fusion camera, supersized battery life, and a durable design.
मोठी स्क्रीन आणि अँक्शन बटन्स
या फोनमध्ये ६.१ इंचाचा सुपर रेटिना एक्सडीआर डिस्प्ले असेल. यामध्ये तुम्हाला IP68 रेटिंगचा स्प्लॅश, वॉटर अँड डस्ट रेसिस्टंस मिळेल. यात उत्कृष्ट ग्राफिक्स रिझोल्यूशन देखील मिळेल. तुम्ही त्याचे होमपेज कस्टमाइज करू शकाल. तसेच, कंपनीने Apple iPhone 16e चे अॅक्शन बटण देखील अडव्हान्स केले आहे. आता या बटणाच्या मदतीने तुम्ही सायलेंट मोडवर जाऊ शकताच, त्यासोबत आवडीच्या कोणत्याही अॅपचे किंवा कॅमेरा क्लिकचे क्विक लाँच देखील सेट करू शकता.
Meet iPhone 16e, the newest member of the iPhone 16 family! #AppleLaunchpic.twitter.com/q9BHWxdYtN
— Tim Cook (@tim_cook) February 19, 2025
Apple iPhone 16e ची किंमत आणि बुकिंग
कंपनीने Apple iPhone 16e सध्या $599 च्या किमतीत लाँच केला आहे. भारतात त्याची सुरुवातीची किंमत ५९,९०० रुपये ठेवण्यात आली आहे. तसेच २,४९६ रुपयांच्या EMI वर देखील हा फोन खरेदी करता येऊ शकेल. हा नो कॉस्ट ईएमआय आहे. यासाठी प्री-ऑर्डर २१ फेब्रुवारी रोजी संध्याकाळी ६:३० वाजेपासून करता येईल. तर हा फोन २८ फेब्रुवारीपासून अॅपल स्टोअरमध्ये उपलब्ध असेल.
३ मेमरी सेटअप
Apple iPhone 16e 3 मेमरी सेटअपसह लाँच करण्यात आला आहे. यामध्ये १२८ जीबी इंटर्नल मेमरी असलेल्या फोनची किंमत ५९,९०० रुपये, २५६ जीबी मेमरी असलेल्या फोनची किंमत ६९,९०० रुपये आणि ५१२ जीबी मेमरी असलेल्या फोनची किंमत ८९,९०० रुपये ठेवण्यात आली आहे. हा फोन सध्या काळा व पांढरा आणि मॅट फिनिश अशा फक्त दोन रंगांमध्ये उपलब्ध असेल.