होळीमुळे नव्हे तर या ऑफरमुळे नाचू लागतील Apple फॅन्स! 30 हजार रुपयांमध्ये मिळत सर्वात स्वस्त 5G iPhone
By ऑनलाइन लोकमत | Updated: March 17, 2022 13:29 IST2022-03-17T13:29:34+5:302022-03-17T13:29:40+5:30
Apple च्या सर्वात स्वस्त 5G iPhone वर 15 हजार रुपयांची सूट मिळत आहे. त्यामुळे iPhone SE 5G (2022) स्मार्टफोन 30 हजार रुपयांपेक्षा कमी किंमतीत विकत घेता येत आहे.
होळीमुळे नव्हे तर या ऑफरमुळे नाचू लागतील Apple फॅन्स! 30 हजार रुपयांमध्ये मिळत सर्वात स्वस्त 5G iPhone
Apple iPhone SE 5G (2022) लाँच होऊन जास्त दिवस झाले नाहीत. इतक्यात हा स्मार्टफोन 30,000 रुपयांपेक्षा कमीमध्ये विकत घेण्याची संधी दिली जात आहे. विशेष म्हणजे ही ऑफर अ‍ॅमेझॉन किंवा फ्लिपकार्टवर दिली जात नाही तर India iStore वर सर्वात स्वस्त 5G iPhone आणखीन स्वस्तात मिळत आहे. यासाठी बँक ऑफर्स आणि एक्सचेंज ऑफर्सचा वापर करावा लागेल.
India iStore ची ऑफर
iPhone SE 5G (2022) भारतात 43,900 रुपयांमध्ये लाँच झाला आहे. परंतु India iStore आयसीआयसीआय, कोटक, आणि एसबीआयच्या कार्ड धारकांना 2,000 रुपयांचा कॅशबॅक देत आहे. या फोनवर 10,000 रुपयांपर्यंतची एक्सचेंज ऑफर आणि 3,000 रुपयांचा अतिरिक्त एक्सचेंज बोनस मिळत आहे. या ऑफर्सचा फायदा घेतल्यास हा आयफोन 28,900 रुपयांमध्ये विकत घेता येईल.
Apple iPhone SE (2022) चे स्पेसिफिकेशन्स
Apple iPhone SE (2022) ची डिजाईन जुन्या iPhone 8 सारखी आहे. या आयफोनच्या बॅक आणि फ्रंटला देण्यात आलेली ग्लास कोणत्याही स्मार्टफोनमधील सर्वात मजबूत ग्लास आहे. सिक्योरिटीसाठी यात Touch ID देण्यात आली आहे. तसेच यातील IP67 रेटिंग पाणी आणि धुळीपासून वाचवते. हा डिवाइस Red, Black आणि White कलर ऑप्शन्समध्ये विकत घेता येईल.
Apple iPhone SE (2022) मध्ये गेल्यावर्षी आलेल्या फ्लॅगशिप iPhone 13 सीरिजच्या A15 Bionic प्रोसेसरचा वापर करण्यात आला आहे. या पावरफुल चिपसेटसह कंपनीनं 5G कनेक्टिव्हिटी देखील दिली आहे. हा फोन iOS 15 वर चालेल, तसेच यात फोकस मोड सारखे फीचर्स देण्यात आले आहेत. फोनच्या मागे 12MP चा सिंगल कॅमेरा आहे, जो Deep Fusion, Smart HDR 4 आणि फोटो स्टाईलला सपोर्ट करतो. यात चांगली व्हिडीओ रेकॉर्डिंग क्वॉलिटी मिळेल, असा दावा कंपनीनं केला आहे.
