कॅलिफॉर्निया: अ‍ॅपलनं आयफोन 11 सीरिज लॉन्च करण्यात आली आहे. यामध्ये तीन फोन्सचा समावेश आहे. iPhone 11, iPhone 11 Pro आणि iPhone 11 Pro Max या महिन्याच्या अखेरीस भारतात विक्रीसाठी उपलब्ध होतील. आयफोन 11 सीरिजमधील फोन्सची किंमत 699 डॉलरपासून सुरु होणार आहे. या नव्या फोन्समध्ये A13 बायोनिक चिपसेट असेल. iPhone 11 ची भारतातील किंमत 64,900 रुपयांपासून सुरू होईल. यामध्ये 64 जीबी मेमरी असेल. याशिवाय हा फोन 128 जीबी आणि 256 जीबी वेरिएंटमध्येही उपलब्ध असेल. iPhone Pro भारतात 99,900 रुपयांपासून उपलब्ध होईल. तर iPhone 11 Pro Max ची किंमत 1,09,900 रुपयांपासून सुरू होईल. iPhone Pro आणि iPhone 11 Pro Max च्या या किमती 64 जीबी वेरिएंटच्या आहेत. याशिवाय हे दोन्ही फोन्स 256 जीबी आणि 512 जीबी मेमरी सुविधेसह उपलब्ध असतील. भारतात 27 सप्टेंबरपासून या फोन्सची विक्री सुरू होईल.
iPhone 11: अ‍ॅपलकडून तीन नवे फोन लॉन्च; जाणून घ्या किती असणार किंमत
By ऑनलाइन लोकमत | Updated: September 11, 2019 08:53 IST