In Solapur district, the turnout increased in the afternoon; 70.10 per cent polling took place till 3.30 pm | सोलापूर जिल्ह्यात दुपारनंतर मतदानाचा टक्का वाढला; साडेतीनपर्यंत झाले ७०.१० टक्के मतदान

सोलापूर जिल्ह्यात दुपारनंतर मतदानाचा टक्का वाढला; साडेतीनपर्यंत झाले ७०.१० टक्के मतदान

सोलापूर : जिल्ह्यातील ५९० ग्रामपंचायतींसाठी मतदान होत आहे. सकाळी साडेसात वाजता मतदानाला सुरवात झाली. सायंकाळी साडेपाचपर्यंत मतदान सुरू राहणार आहे. ५९० ग्रामपंचायतींमध्ये एकूण १२,२२५ उमेदवार आपली राजकीय शक्तीपणाला लावली आहे. यातूनच ५९० गावकारभारी प्रथम सदस्य म्हणून निवडून येणार आहे. दुपारी तीन वाजेपर्यंत ७०.१० टक्के मतदान झाल्याची नोंद जिल्हा प्रशासनाकडे झाली आहे.

मतदानप्रक्रिया शांत आणि निपक्ष वातावरणात पार पाडण्यासाठी प्रशासनाने कंबर कसली आहे. एकूण १८ हजार अधिकारी व कर्मचारी याकरिता परिश्रम घेत आहेत. एकूण २,२९६ प्रभागात निवडणूक होत आहे. यात ३ हजार ४७५ महिला उमेदवारदेखील महिला शक्तीचा जोर आजमावत आहेत.


तालुकानिहाय झालेले मतदान असे...(०३.३० वाजेपर्यंत)

करमाळा - ७०.६८ टक्के

माढा - ७१.०० टक्के

बार्शी - ६८.७९ टक्के

उत्तर सोलापूर - ६६.९८ टक्के

मोहोळ - ७१.२७ टक्के

पंढरपूर - ७३.९० टक्के

माळशिरस - ६७.३० टक्के

सांगोला - ७०.४९ टक्के

मंगळवेढा - ६९.०७ टक्के

दक्षिण सोलापूर - ६८.८५ टक्के

अक्कलकोट - ६७.६६ टक्के

एकूण -७०.१० टक्के

Web Title: In Solapur district, the turnout increased in the afternoon; 70.10 per cent polling took place till 3.30 pm

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.