ओझरजवळ अपघातात एक ठार

ओझरजवळ अपघातात एक ठार

 ओझर टाऊनशिप : येथील मुंबई- आग्रा महामार्गावर असलेल्या शिव आॅटो कन्सल्टसमोरील वळणावर वळण घेणाऱ्या मोटारसायकलला बोलेरोने धडक दिल्याने झालेल्या अपघातात दुचाकीस्वाराचा मृत्यू झाला.शनिवारी (दि. ११) सकाळी ९.३० वाजेच्या सुमारास शिवनारायन माथुर यादव (५८, रा. लक्ष्मीनगर, जत्रा हॉटेलजवळ, आडगाव) हे मोटारसायकलने (एमएच १५ सीएच १०३८) ओझर येथील पंचवड गणपती मंदिराकडे जाण्यासाठी शिव आॅटो कन्सल्ट (वाहन बाजार)समोरून वळण घेत असताना शिरपूरहून नाशिककडे जाणाऱ्या बोलेरोने (क्र. एमएच १८ एएफ १३७) त्यांच्या दुचाकीला धडक दिल्याने झालेल्या अपघातात यादव गंभीर जखमी झाले. घटनास्थळी दाखल झालेले हवालदार एन. सी. माळोदे, जे.बी. यादव, व्ही. बी. लहाने यांनी त्यांना नाशिक येथील रुग्णालयात पाठविले. दरम्यान, उपचार सुरु असताना यादव यांचा मृत्यू झाला. यासंदर्भात ओझर पोलिसांनी अपघाताचा गुन्हा दाखल केला आहे. (वार्ताहर)