शहाणे करू सकळजन; ज्ञानमंदिराला दोन लाखांची पुस्तके

करमाळा : नगरपरिषदेच्या श्री ज्ञानेश्वर वाचनमंदिर मुक्तद्वार वाचनालयास दोन लाखांची पुस्तके भेट स्वरूपात प्राप्त झाली. युवा पिढीतील लोप पावत चाललेली वाचन संस्कृती वृद्धिंगत करण्यासाठी करमाळा नगरपरिषदेच्यावतीने श्री ज्ञानेश्वर वाचन मंदिर मुक्तद्वार वाचनालय चालविले जाते. या वाचनालयास विधान परिषदेचे आमदार डॉ. वजाहत मिर्झा यांच्या स्थानिक विकास फंडातून दोन लाख रुपयांची ९२८ पुस्तके भेट स्वरुपात देण्यात आली.

सोलापूर जिल्हा ग्रंथालय संघाचे कार्यवाहक विजयकुमार पवार यांच्याकडून ग्रंथ भेट मुख्याधिकारी वीणा पवार यांनी स्वीकारली. ज्ञानेश्वर वाचनालय तालुक्यातील अ-वर्ग वाचनालय आहे. यावेळी आमदार डॉ. वजाहत मिर्झा यांचे नगराध्यक्ष वैभवराजे जगताप व मुख्याधिकारी वीणा पवार, सभापती सीमा कुंभार व सर्व पदाधिकाऱ्यांनी आभार मानले.

२५करमाळा-वाचनालय

ज्ञानेश्वर वाचनालयास मिळालेल्या पुस्तकासह मुख्याधिकारी वीणा पवार व कर्मचारी.