31 मॅच जिंकणारा WWE स्टार EDGE रेसलिंग सोडून आता काय करतोय?
By ऑनलाइन लोकमत | Updated: August 29, 2018 16:17 IST2018-08-29T16:12:45+5:302018-08-29T16:17:30+5:30
WWE मधील EDGE हा रेसलर एकेकाळी फारच गाजला होता. पण आता त्याने फायटींग करणे सोडले असून आपलं वेगळं विश्व तयार केलं आहे.
31 मॅच जिंकणारा WWE स्टार EDGE रेसलिंग सोडून आता काय करतोय?
(Image Credit : screengeek)
WWE मधील EDGE हा रेसलर एकेकाळी फारच गाजला होता. पण आता त्याने फायटींग करणे सोडले असून आपलं वेगळं विश्व तयार केलं आहे. त्याच्या चाहत्यांना प्रश्न पडतो की, तो आता कुठे आहे आणि काय करतो? पण आम्ही त्यांचं आताचं जगणं आम्ही तुमच्यासमोर आणत आहोत.
EDGE ने २०११ मध्ये रेसलिंगचा रामराम ठोकला होता. तेव्हा त्याच्या फॅन्सना चांगलाच धक्का बसला होता. त्यानंतर २०१२ मध्ये त्याला WWE ने 'हॉल ऑफ द फेम' ने सन्मानित केले होते.
EDGE चं खरं नाव एडम जोसेफ कोपलॅड असं आहे. सध्या त्याचं वय ४४ वर्ष असून तो सध्या काय करतो आहे हे त्याच्या इन्स्टाग्रामवरुन कळतं.
रेसलिंग सोडल्यानंतर EDGE ने म्युझिकमध्ये रमला आहे. एका नव्या आयुष्यावा त्याने सुरुवात केली आहे. EDGE ने तीन लग्ने केली होती. सध्या Beth Phoenix ही त्याची पत्नी असून ती सुद्धा एका रेसलर आहे. त्यांना दोन मुली आहेत.
२००० मध्ये त्याला अनेक सिनेमांच्या ऑफरही मिळाल्या होत्या. Bending The Rules, Interrogation यांसारख्या सिनेमात त्याने कामही केलं. त्यासोबतच त्याने अनेक टीव्ही सीरिजमध्येही काम केलं आहे. Ghost Mine, Bookaboo आणि Viking त्याच्या गाजलेल्या सीरिज आहेत.
EDGE एक असा रेसलर होता ज्याने WWE च्या इतिहासात सर्वात गाजलेली कुस्ती केली होती. दिसायला EDGE भलेही इतर रेसलरच्या तुलनेत कमजोर आणि भारी भक्कम दिसत नसेल पण ३१ वेळा त्याने चॅम्पियनशिप जिंकली आहे.
