बाइकची नंबर प्लेट बघून लोक पडले बुचकळ्यात, काहींनी दिलं बरोबर तर काहींनी चुकीचं उत्तर...

Viral Puzzle : सध्या एका नंबर प्लेटचा व्हिडीओ चर्चेचा विषय ठरत आहे. यावर नंबरऐवजी काही चिन्ह दिसत आहेत. जे बघून लोक कन्फ्यूज झाले आहेत. 

Bike Number Plate Puzzle: सोशल मीडियावर नेहमीच असे व्हिडीओ किंवा फोटो व्हायरल होत असतात ज्यामुळे लोकांची उत्सुकता खूप वाढतो. हे फोटो लोकांना बुचकळ्यात टाकणारे आणि कन्फ्यूज करणारे असतात. पण अशा गोष्टी सॉल्व करणं सुद्धा तेवढंच मजेदार असतं. सध्या एका नंबर प्लेटचा व्हिडीओ चर्चेचा विषय ठरत आहे. यावर नंबरऐवजी काही चिन्ह दिसत आहेत. जे बघून लोक कन्फ्यूज झाले आहेत. 

इन्स्टाग्रामवर हा व्हिडीओ आशिष कुमार नावाच्या यूजरनं पोस्ट केा आहे. जो लोकांची उत्सुकता वाढवत आहे. पोस्टमध्ये त्यानं लिहिलं की, ज्यांचं गणित चांगलं असेल तेच यातील नंबर समजू शकतील.

अशाप्रकारच्या गोष्टी नेहमीच लोकांची परीक्षा घेतात आणि सोबतच उत्सुकताही वाढवतात. या फोटोतील नंबर शोधण्यासाठी तुम्हाला फार काही मोठं गणित वगैरे करत बसण्याची गरज नाही. फक्त तुम्हाला फोटो बारकाईनं बघायचा आहे. 

पहिल्यांदा ही नंबर प्लेट पाहिली तर कुणीही कन्फ्यूज होईल. असं वाटतं हा एखादा सिक्रेट कोड आहे. पण असं काही नाहीये. हे चिन्ह घड्याळाच्या काट्यांसारखे आहेत. यात काटे वेळ दाखवत आहे. लक्ष देऊन बघाल तर तुम्हाला यात 9, 3, 3 आणि 5 नंबर दिसेल. म्हणजे गाडीचा नंबर 9335 आहे.

व्हिडीओ बघणाऱ्या अनेकांनी हे कोडं सोडवलं. पण काही लोक कन्फ्यूज झाले. त्यांनी चुकीचं 9225 असं उत्तर दिलं. तर अनेकांना काही मजेदार कमेंट्सही केल्या. एकानं लिहिलं की, " फाइन देणाऱ्याला सुद्धा हा नंबर समजायला एक तास लागेल". तर दुसरा म्हणाला की, "नंबर समजो अथवा नाही दंड तसाही भरावा लागेल".