'नो पनीर नो शादी?' जेवणात पनीर नसल्याने भर मंडपात वऱ्हाड्यांमध्ये हाणामारी; Video व्हायरल

लग्नाच्या जेवणात पनीर नसल्याने लग्नाला आलेल्या पाहुण्यांमध्ये तुफान हाणामारी झाल्याचे पाहायला मिळत आहे. 

Viral Video: आता सगळीकडेच लग्न सराई सुरू झाली आहे. भारतात लग्न म्हटलं तर फार धूमधडाक्यात साजरं केलं जातं. मानपान तसेच प्रत्येकाच्या आवडीनिवडीकडे यजमानांना आवर्जून लक्ष द्यावे लागते. बऱ्याचदा लग्नात घरातील मोठी माणसे, नातेवाईकांमध्ये काहीजण रुसल्याच्या चर्चा कानावर येत असतात.

सोशल मीडियावर व्हायरल होणाऱ्या एका व्हिडीओमध्ये वऱ्हाड्यांची नाराजी स्पष्ट दिसत आहे. हल्ली लग्नसमारंभात मानपान तसेच प्रत्येक बारीक-सारीक गोष्टींची निवड ठरवून केली जाते. जेवणात गोडाचे कोणते पदार्थ असावेत, त्याव्यतिरिक्त वर-वधूचे कपड्यांपासून प्रत्येक गोष्टीचे पुरेपूर मॅनेजमेंट केले जाते.

अशातच एका लग्नसमारंभात जेवणामध्ये पनीरची भाजी नसल्याने पाहुणे मंडळींनी राडाच केला. या व्हायरल व्हिडीओने नेटकऱ्यांचे लक्ष वेधले आहे. व्हायरल होणाऱ्या व्हिडीओमध्ये लग्नासमारंभात नवरा-नवरी या दोन्हीकडील मंडळी जेवणासाठी जमली आहेत. जेवणाची पंगत बसली असताना त्यातील काही मंडळींनी त्यांच्या ताटात पनीरची भाजी नाही म्हणून वाडप्यांना विचारणा केली. पनीरवरून रंगलेला हा वाद अधिक तीव्र होत गेला. 

बाचाबाचीनवरून या भांडणाचे रुपांतर हाणामारीत झाले. त्यामुळे वर-वधूच्या दोन्ही बाजच्या मंडळींनी एकमेकांवर पाणी उपसायला सुरूवात केली. हा वाद इतका चिघळला की लग्नातील वऱ्हाड्यांनी चक्क खुर्च्या तोडल्या तर काहींनी मंडपाचे पडदे फाडले. सध्या या खतरनाक राड्याचा व्हिडीओ सोशल मीडियावर प्रचंड व्हायरल होत आहे. या व्हिडीओला नेटकऱ्यांनी सुद्धा आपल्या प्रतिक्रिया दिल्या आहेत. एका यूजरने 'नो पनीर नो शादी' अशी मजेशीर कमेंट केलीये. तर आणखी एकाने 'पनीर का चक्कर बाबू भय्या' असं म्हटलयं.

येथे पाहा व्हिडीओ :

Kalesh b/w groom side and bride side people's during marriage over no pieces of paneer inside matar paneer
pic.twitter.com/qY5sXRgQA4

— Ghar Ke Kalesh (@gharkekalesh) December 20, 2023