वॉशरूम तर अनेक पाहिले असतील पण 'हे' सगळ्यात अनोखं आहे, डिझाइन पाहून डोकं चक्रावेल

Viral Video : एका भन्नाट व्हिडिओची सध्या जोरदार चर्चा सुरू आहे. या व्हिडिओमध्ये एक व्यक्ती अतिशय युनिक वॉशरूम दाखवतो.

Viral Video : आजच्या काळात लोकांना काही हटके किंवा वेगळं दिसलं की ते लगेच मोबाईल काढून व्हिडीओ शूट करतात आणि सोशल मीडियावर शेअर करतात. जर तो व्हिडीओ लोकांना आवडला किंवा वेगळा वाटला, तर तो लगेच व्हायरल होतो. अशाच एका भन्नाट व्हिडिओची सध्या जोरदार चर्चा सुरू आहे. या व्हिडिओमध्ये एक व्यक्ती अतिशय युनिक वॉशरूम दाखवतो.

हे वॉशरूम इतकं वेगळं आहे की तुम्ही कदाचित याआधी असं काही पाहिलं नसेल. त्यातील युरिनलमध्ये वर बाईकसारखं हँडल लावलेलं आहे. एक युरिनल तर इतक्या उंचीवर आहे की जणू काही शिडीवर चढून वापरावं लागेल.

कमोडच्या डिझाइनबद्दल बोलायचं झालं, तर काही कमोड्स सुपरहिरो थीमवर बनवलेले आहेत. एखादा Avengers स्टाईलमध्ये आहे, तर काही स्पोर्ट्स लव्हर्ससाठी खास डिझाइन केलेले दिसतात. त्यामुळे हे वॉशरूम पूर्णपणे वेगळा आणि मजेशीर अनुभव देणारं आहे.

हा व्हिडिओ इंस्टाग्रामवर “zaker88” या अकाउंटवरून शेअर करण्यात आला आहे. बातमी लिहेपर्यंत या व्हिडिओला सुमारे 1.1 मिलियन लाईक्स मिळाले आहेत. व्हिडीओ पाहिल्यानंतर लोकांनी मजेशीर प्रतिक्रिया दिल्या आहेत. काहींनी विचारलं की हे नेमकं कुठे आहे, तर काहींनी हा व्हिडिओ AI ने बनवला असावा असं म्हटलं. काहींना आयरन मॅन स्टाईल टॉयलेट आवडलं, तर काहींना ते स्पायडरमॅनसारखं वाटलं.