VIDEO: मार्केटिंग असावं तर असं! वॉटरप्रूफ जॅकेट विकण्यासाठी दुकानदाराने थेट असं काही केलं की...

waterproof jacket seller viral video: व्हिडिओ पाहून तुम्हालाही आवरणार नाही हसू

waterproof jacket seller viral video: हल्लीच्या स्पर्धेच्या युगात ग्राहकाला आकर्षित करण्यासाठी लोक नवनवीन शक्कल लढवत असतात. सोशल मीडियाच्या जगात असे हटके व्हिडिओ नेहमीच चर्चेचा विषय ठरतात. व्हिडीओमध्ये एका दुकानदाराने आपल्या 'वॉटरप्रूफ' जॅकेटचा पुरावा देण्यासाठी जे काही केले, त्याने इंटरनेटवर धुमाकूळ घातला आहे. या दुकानदाराची ही अनोखी मार्केटिंग स्टाईल सध्या सर्वांचे लक्ष वेधून घेत आहे.

'लोकमत महाराष्ट्रीयन ऑफ द इयर' कोण?... क्लिक करून आपलं मत नोंदवा!

दुकानदाराने काय केले?

व्हायरल व्हिडिओमध्ये अल्जेरियातील दुकानदार आपल्या दुकानात उभा होता. त्याला ग्राहकांना पटवून द्यायचे होते की तो विकत असलेले जॅकेट १०० टक्के वॉटरप्रूफ आहे. आपला दावा सिद्ध करण्यासाठी त्याने कोणताही जाहिरातबाजीचा मार्ग न निवडता थेट 'देसी जुगाड' केला. दुकानदार जॅकेट घालून उभा राहिला. एक रबर ट्युबचा बाथ टब त्याने समोर ठेवला. त्यात फेसाळलेले साबणाचे पाणी होते. दुकानदाराने ते जॅकेट घालून त्या टबमध्ये उडी मारली. इतकेच नाही, तर तो एका बादलीने आपल्या अंगावर पाणी ओतून घेतानाही दिसला. पूर्णपणे ओला झाल्यानंतरही दुकानदार ज्या आत्मविश्वासाने आपले जॅकेट झटकून दाखवत होता, त्यावरून तो हेच सांगताना दिसला की, जॅकेट कोरडे आणि वॉटरप्रूफ आहे. या दुकानदाराची स्टाईल चर्चेचा विषय ठरली आहे.

A shop owner in Algeria shows that the jackets he sells are waterproof🌧️pic.twitter.com/11cHhXAjEy

— Tansu Yegen (@TansuYegen) February 22, 2026

हा व्हिडिओ 'X' (ट्विटर) वर @TansuYegen नावाच्या अकाउंटवरून शेअर करण्यात आला आहे. नेटकऱ्यांनी यावर मजेशीर कमेंट्स केल्या आहेत. एका युजरने लिहिले, "हे नेक्स्ट लेव्हल मार्केटिंग आहे!" तर दुसऱ्याने म्हटले, "भावा, तुझा कॉन्फिडन्स मानला पाहिजे!" काहींनी मात्र थट्टेने म्हटले की, जॅकेटला पाणी शोषायला वेळच मिळाला नाही, पण मार्केटिंगमध्ये मात्र दुकानदाराने बाजी मारली आहे.