VIRAL : चोरांनी कार चालकावर झाडली गोळी, पण पुढे जे झालं त्यानं स्वतःच घाबरले! Video बघून सगळेच झाले हैराण

सोशल मीडियावर अनेक थरारक व्हिडीओ व्हायरल होत असतात. असाच एक व्हिडीओ सध्या चर्चेत आहे.

आजकाल सोशल मीडियावर अनेक थरारक व्हिडीओ व्हायरल होत असतात. असाच एक व्हिडीओ सध्या चर्चेत आहे, ज्यामध्ये एका व्यक्तीने चोरांना धूळ चारली. ही घटना केवळ रोमांचक नाही, तर गुन्हेगारांना एक चांगला धडा शिकवणारी आहे.

या व्हिडीओमध्ये एक व्यक्ती आपली कार पार्क करून बाहेर निघत असताना, बाईकवरून आलेल्या दोन चोरांनी त्याला लुटण्याचा प्रयत्न केला. त्यातील एका चोराने लगेच बंदूक काढून त्या व्यक्तीवर गोळी झाडली. पण, खरी गंमत यानंतर घडली. गोळी चालवल्याच्या काही क्षणातच त्या कारमधील व्यक्तीनेही आपली बंदूक बाहेर काढली आणि उलट चोरांवरच गोळ्या झाडल्या.

अन् चोरांचा डाव फसला!

अचानक मिळालेल्या प्रत्युत्तरामुळे चोरांचा चोरीचा डाव पूर्णपणे फसला. या व्यक्तीने चोरांना पळवून लावत त्यांना चांगलाच धडा शिकवला. या थरारक घटनेत तो स्वतः जखमी झाला. चोराने झाडलेली गोळी या व्यक्तीच्या पायाला लागली होती.

या चित्तथरारक व्हिडीओला 'एक्स' या प्लॅटफॉर्मवर 'DumbDeadShit' या अकाउंटवरून शेअर करण्यात आले आहे. 'चोरांनी एक गाडी चोरण्याचा प्रयत्न केला, पण त्यांनाच अनपेक्षित परिस्थितीचा सामना करावा लागला,' असे कॅप्शन या व्हिडीओला देण्यात आले आहे.

Thieves try to steal a truck but are met with a surprise pic.twitter.com/xQfp7XBKyh

— DumbDeadShit (@DumbDeadShit) September 12, 2025

नेटकरी काय म्हणाले?

अवघ्या ४० सेकंदाच्या या व्हिडीओला आतापर्यंत ६ लाख ८३ हजारांहून अधिक व्ह्यूज मिळाले आहेत, तर ४ हजारांहून अधिक लोकांनी तो लाईक केला आहे. अनेकांनी यावर वेगवेगळ्या प्रतिक्रिया दिल्या आहेत. एका युजरने लिहिले की, "चोरांना वाटले की सोपा शिकार मिळेल, पण त्यांनी चुकीच्या व्यक्तीशी पंगा घेतला." तर दुसऱ्या एका युजरने म्हटले, "हे पाहून एक गोष्ट समजली की, गुन्ह्याचा परिणाम नेहमीच वाईट असतो." अनेक लोकांनी कारमधील व्यक्तीच्या धाडसाचे कौतुक केले आहे.