Video: 'ये दोस्ती हम नहीं तोड़ेंगे...' वाघ आणि सिंहाची मैत्री पाहून चकीत व्हाल, व्हिडिओ व्हायरल
By ऑनलाइन लोकमत | Updated: November 30, 2025 16:37 IST2025-11-30T16:37:01+5:302025-11-30T16:37:36+5:30
सिंह आणि वाघ कट्टर प्रतिस्पर्धी म्हणून ओळखले जातात.

Video: 'ये दोस्ती हम नहीं तोड़ेंगे...' वाघ आणि सिंहाची मैत्री पाहून चकीत व्हाल, व्हिडिओ व्हायरल
Viral Video: जंगलातील दोन सर्वोच्च शिकारी सिंह आणि वाघ कट्टर प्रतिस्पर्धी म्हणून ओळखले जातात. एकमेकांच्या परिसरात ते कधीच घुसखोरी सहन करत नाहीत. मात्र सोशल मीडियावर व्हायरल होत असलेला एक व्हिडिओ ही धारणा पूर्णपणे खोटी ठरवतो. या व्हिडिओमध्ये सिंह आणि वाघाची घनिष्ठ मैत्री पाहायला मिळत असून, प्रेक्षक हे पाहून अचंबित झाले आहेत.
वाघ-सिंहाची मैत्री कॅमेऱ्यात कैद
हे दृष्य एका अभयारण्यातली आहे. व्हिडिओ सोशल मीडिया प्लॅटफॉर्म ‘X’ वर @AMAZlNGNATURE या अकाउंटवरून शेअर करण्यात आला असून, काही तासातच याला 38 हजारांपेक्षा जास्त व्ह्यूज मिळाले आहेत. व्हिडिओमध्ये एक वाघ उन्हापासून आराम मिळवण्यासाठी पाण्यात बसलेला दिसतो. त्याचवेळी मागून एक सिंह येतो. सिंहाला पाहताच वाघाच्या चेहऱ्यावर आनंद चमकून जातो.
Lioness flirting with a tiger pic.twitter.com/8Wt3p5WvCN
— Nature is Amazing ☘️ (@AMAZlNGNATURE) November 27, 2025
नेटिझन्स अचंबित; व्हिडिओला जोरदार प्रतिसाद
दोघेही एकमेकांच्या डोक्यावर पंजा ठेवून आपुलकी व्यक्त करतात. हे दृष्य पाहणाऱ्यांना क्षणभर विसर पडतो की, हे दोन्ही प्राणी नैसर्गिकरीत्या शत्रू मानले जातात. या व्हिडिओने सोशल मीडियावर खळबळ उडवली आहे. परिस्थितीनुसार कधी कधी भयंकर शिकारीही आपला स्वभाव बदलू शकतात, हे या दृश्यातून स्पष्ट होते. नेटकऱ्यांना दोघांमधील मैत्री खूप आवडली आणि व्हिडिओला काही तासांतच हजारो लाईक्स आणि कमेंट्स मिळाल्या.