Monkey vs Dog : 2021 मध्ये कुत्रे आणि माकडांच्या टोळीयुद्धाचे प्रकरण खूप चर्चेत आले होते. बीड जिल्ह्यातील एका गावात कुत्र्यांच्या टोळीने माकडाच्या पिलाला मारल्यानंतर माकडांनी दिसेल त्या कुत्र्याच्या पिलाला मारण्याचा प्रकार सुरू केला. त्यावेळेस माकडांनी 200 हून अधिक कुत्रे मारले. ते कुत्र्यांना उचलून झाडांवर किंवा छतावर न्यायचे अन् वरुन खाली फेकायचे.
त्या घटनेच्या संबंधी अनेक व्हिडिओही सोशल मीडियावर व्हायरल झाले होते. ते व्हिडिओ पाहून लोकही विचारात पडले होते की, माणसांप्रमाणे बदला घेण्याची वृत्ती माकडांमध्ये कशी येऊ शकते. संपूर्ण देशभर ते प्रकण गाजले होते. याच्याशीच संबंधित व्हिडिओ सध्या सोशल मीडियावर व्हायरल होतोय, ज्यात एक माकड कुत्र्याच्या पिल्लाला घेऊन छतावरुन पळताना दिसत आहे.
हे प्रकरण राजस्थानच्या जयपूरमधील गंगौरी बाजारचे आहे. व्हिडिओमध्ये तुम्ही पाहू शकता की, दुकानाच्या छतावर एक माकड कुत्र्याचे पिल्लू घेऊन बसले आहे. काही सेकंदांनंतर ते तिथून उठते आणि पिलाला घएऊन निघून जाते. त्याने कुत्र्याच्या पिलाला प्रेमापोटी उचलले की मारण्यासाठी उचलले, हे कळू शकले नाही. हा व्हिडीओ पाहिल्यानंतर लोक मजा घेत आहेत.
हा मजेदार व्हिडिओ सोशल मीडिया प्लॅटफॉर्म ट्विटरवर @HasnaZarooriHai नावाच्या आयडीने शेअर करण्यात आला आहे. याच्या कॅप्शनमध्ये लिहिले की, 'जयपूरच्या गंगौरी मार्केटमध्ये माकडाने कुत्र्याचे बाळ पळवले'. हा व्हिडिओ 12 हजारांहून अधिक वेळा पाहिला गेला आहे, तर शेकडो लोकांनी लोकांनी व्हिडिओलाही लाइक केले आहे. व्हिडिओ पाहिल्यानंतर विविध प्रतिक्रिया येत आहेत. काहीजण 'त्यांचे टोळीयुद्ध सुरु आहे' असे म्हणत आहेत, तर काही जण 'खंडणीची रक्कम किती असेल?' असे म्हणत आहेत.