‘पापा की परी का कमाल, बाईक चालवताना केला असा पराक्रम; ब्रेकवरून हात सुटला अन्...

सध्या सोशल मीडियावर दोन मुलींनी बाईक चालवताना केलेला कारनामा समोर आला आहे.

Social Viral : नेहमी ड्रायव्हिंग करताना रस्त्यावर वाहनं सावकाश चालवणं गरजेचं आहे. वाढत्या अपघातांचं प्रमाण रोखण्यासाठी जगभरात यासाठी स्थानिक पातळीवर प्रशासनाकडून वेगवेगळ्या उपाययोजना करण्यात येतात. अशा ड्रायव्हिंगचे अनेक व्हिडिओ सोशल मीडियावर व्हायरल होत असतात. 

सोशल मीडियावर रिल्सच्या माध्यमातून वेगवेगळ्या प्रकारचे व्हिडिओ समोर येत असतात. महिलांच्या ड्रायव्हिंगबाबतचे अनेक मीम्स सोशल मीडियावर व्हायरल होताना दिसतात. खास करून त्या मुलींचे ज्या स्कूटर किंवा बाईक चालवतात. त्यांना 'पापा की परी' वैगरे टॅग दिले जातात. प्रत्येक वेळी हे खरं आहे असं नाही. कारण अशी अनेक मुलींची उदाहरणेही आपल्या समोर आहेत ज्या त्या कॅटेगरीत येत नाहीत, किंवा अशा अनेक मुली आहेत ज्या उत्तम प्रकारे ड्रायव्हिंग करतात.

पण सध्या इंस्टाग्रामावर एक व्हायरल होणाऱ्या व्हिडीओने नेटकऱ्यांचं लक्ष वेधून घेतलंय. हा व्हिडीओ इंडोनेशियातील असल्याची माहिती आहे. या व्हायरल व्हिडीओमध्ये दोन मुलींनी बाईक चालवताना केलेला कारनामा दिसत आहे. ड्रायव्हिंग करता येत नसल्याने त्यांचा तोल गेला आणि बाईक थेट घराच्या छतावर गेली. बाईक चालवताना ब्रेकवरून हात सुटल्याने हा सगळा प्रकार घडतो. या घटनेत  घराच्या छताचं मोठं  नुकसान झाल्याचं पाहायला मिळतंय. कौलारू घराच्या छतात रूतुन बसलेल्या बाईकसोबत दोन मुली देखील दिसतायत. थेट कौलांवर बाईक अडकल्याने आजु-बाजुची माणसं या मुलींची मदत करण्यासाठी पुढे सरसावली आहेत. हा व्हायरल व्हिडीओ पाहून नेटकरी लोटपोट हसू लागलेत.

सध्या या दोन मुलींचा हा व्हिडिओ सोशल मीडियाच्या विविध प्लॅटफॉर्मवरती व्हायरल झाला आहे. सोशल मीडियावर लोकांनी त्या मुलींना प्रचंड ट्रोल केलं आहे. अनेकांनी कमेंटमध्ये ‘हवा हवाई’ असं म्हटलं आहे. हे सगळं पाहून काही नेटकऱ्यांना प्रचंड राग आला आहे.