Train Accident Viral Video: ट्रेनचा प्रवास अतिशय सुरक्षित मानला जातो. पण, कधी-कधी एका छोट्या चुकीमुळे मोठी घटना घडू शकते. सोशल मीडियावर एक व्हिडिओ व्हायरल होत आहे. या व्हिडीओमध्ये महिला लोको पायलट(ट्रेन ड्रायव्हर) धावत्या ट्रेनमध्ये मोबाईल पाहत असल्याचे दिसत आहे. तिच्या निष्काळजीपणामुळे दोन ट्रेनची समोरासमोर मोठी धडक बसते.
हा व्हिडिओ सोशल मीडियावर प्रचंड व्हायरल होत आहे. व्हिडिओमध्ये एक महिला ट्रेन ड्रायव्हर तिच्या सीटवर बसून मोबाईल फोन पाहत असल्याचे दिसत आहे. तेवढ्यात ही ट्रेन समोर त्याच प्लॅटफॉर्मवर आलेल्या दुसऱ्या ट्रेनला धडकते. या घटनेत कॅबिनच्या काचा फुटतात. सुदैवाने कॅबिनमध्ये सुरक्षा उपकरणे असल्यामुळे महिला चालकाचा जीव वाचतो.
ही संपूर्ण घटना कॅबिनमध्ये बसवलेल्या कॅमेऱ्यात कैद झाली आहे. @cctvidiots नावाच्या हँडलवरुन हा व्हिडिओ शेअर करण्यात आला आहे. या व्हिडिओला लाको व्हू मिळाले असून, अनेकजण महिलेवर संतापलेही आहेत. या व्हिडिओवर लाखो लोकांच्या विविध प्रतिक्रिया पाहायला मिळत आहेत. ट्रेनमध्ये मोबाईलच्या वापरावर बंदी घातली पाहिजे, त्या महिलेला नोकरीवरुन काढा, अशा प्रतिक्रिया उमटत आहेत.