Latest Social Viral News | Social Viral Marathi News | Latest Social Viral News in Marathi | सोशल वायरल: ताज्या मराठी बातम्या

Mumbai : पाणीपुरी म्हटलं तर लहानग्यांपासून मोठ्यांपर्यंत सर्वांच्याच आवडीचा विषय आहे. रस्त्यावर, चौकात, नाक्यावर असणाऱ्या गाड्यांवर जवळपास २० ते २५ रुपयांमध्ये मिळणारी पाणीपुरी तुम्ही खाल्लीच असेल. पण चक्क पाणीपुरीची एक प्लेट जर ३३३ रुपयांना विकली जात असेल तर? मुंबईच्या विमानतळावर एका फूडस्टॉलवर पाणीपुरी चक्क ३३३ रुपयांना विकली जात असल्याचा फोटो सोशल मीडियात चर्चेचा विषय ठरतोय. आता तुम्ही म्हणाला या ३३३ रुपयांच्या पाणीपुरीमध्ये वेगळं असं आहे तरी काय? तर तेही काही कळालेलं नाही. एका शुगर कॉस्मेटिक कंपनीच्या सीईओने याचा फोटो एक्सवर शेअर केला आहे. कौशिक मुखर्जी असं या उद्योजकाचं नाव आहे. त्यांनी शेअर केलेल्या या फोटोमध्ये पाणीपुरी, दहीपुरी तसेच शेवपुरी हे चाट दिसत आहेत. प्रत्येक प्लेटमध्ये ८ पुऱ्या ठेवल्याचं पाहायला मिळत आहे. पण या चाटची किंमत पाहून सर्व चक्रावलेत. या एका चाट प्लेटची किंमत तब्बल ३३३ रुपये इतकी आहे.'' मुंबईच्या विमानतळावर जागेचं भाडं खूप जास्त आहे हे ठावूक होतं. पण हे दृश्य पाहून ते इतकं महाग असेल याची कल्पना मी केली नव्हती,'' असं त्यांनी उपरोधिकपणे म्हटलं आहे. हायजिनच्या नावावर भरमसाठ किंमतीचे पदार्थ विमानतळावर विकले जातात. हा फोटो पाहून नेटकऱ्यांनी मजेशीर प्रतिक्रिया दिल्या आहेत. या पोस्टवर ''पाणीपुरी परदेशातून आयात केली जाते आहे का? असा प्रश्न एका नेटकऱ्याने कमेंटमध्ये उपस्थित केलाय. तर एकानं आमीर खानच्या 'थ्री इडियट्स'मधला डायलॉगची आठवण करुन दिलीय. याआधीही मुंबई विमानतळावर ६२० रुपये किंमतीचा डोसा आणि ताक विकलं जातं असल्याचाही फोटो व्हायरल झाला होता. त्यात आता या ३३३ रुपयांची पाणीपुरीची भर पडली आहे.

Social Viral (Marathi News)

मागील काही दिवसांपासून सोशल मीडिया प्लॅटफॉर्मवर Look Between E and Y on your keyboard हा ट्रेंड प्रचंड व्हायरल होताना दिसतोय. ...

बेकरी स्टाफने महिलेच्या सूचना इतक्या शब्दश: पाळल्या की, केकवर आयसिंगने 'हॅप्पी बर्थडे स्टिक' लिहिलं होतं. ...

UP School Transformed Classroom Into Swimming Pool To Beat The Heat : शिक्षकांनी लढवली शक्कल, मुलांसाठी तयार केले जलतरण ...

The Use of Plastic in Washing Machine : कपडे धुताना वॉशिंग मशिनमध्ये प्लास्टिकची पिशवी टाकल्यास काय होईल? ...

Jasprit Bumrah Purple Cap Young Boy: मुंबईला लखनौविरूद्ध पराभवाचा सामना करावा लागला. त्यानंतर हा प्रकार घडला ...

पाणी पुरी म्हटलं तर लहानग्यांपासून मोठ्यांपर्यंत सर्वांच्याच आवडीचा विषय आहे. ...