असाही जबरा फॅन, iPhone खरेदीसाठी केला हा कारनामा!

काही लोकांमध्ये आपली आवडती वस्तू खरेदी करण्याची एक वेगळीच क्रेझ बघायला मिळते. मग हे लोक ती वस्तू खरेदी करण्यासाठी काहीही करायला तयार होता. असे काहीतरी करुन हे लोक चर्चेच येतात. आता हे बघा ना अॅपलचा नवा फोन खरेदी करण्यासाठी एका व्यक्ती असा काही कारनामा केला की, सर्वांना धक्काच बसला. 

रशियातील एक व्यक्ती 256GB चा iPhone XS खरेदी करण्यासाठी गेला होता. पण त्याला पाहून सर्वांना आश्चर्याचा धक्का बसला. हेच नाही तर स्टोरमधील लोकांना याचा काय करावे हेच कळत नव्हते. कारण हा व्यक्ती आयफोन खरेदी करण्यासाठी चक्क बाथटब भरुन नाणी घेऊन गेला होता. या बाथटबमध्ये 1,00,000 रशियन रूबल म्हणजेच 1,07,200 रुपये होते. तेही नाण्यांच्या स्वरुपात.

(Image Credit : .ibtimes.co.in)

मग काय ही नाणी मोजण्यासाठी स्टोरमधील एक व्यक्ती बसवला गेला आणि अनेक तासांनंतर ते मोजून झाल्यावर त्या व्यक्तीला आयफोन देण्यात आला. आपला आवडता फोन मिळाल्याटे पाहून तो आनंदी झाला, पण ती नाणी मोजणाऱ्या व्यक्तींची काय स्थिती झाली असेल याचा विचार करा. 

(Image Credit : instagram.com)

आयफोन घेण्यासाठी अनेकांमध्ये एक वेगळीच क्रेझ जगभरात बघायला मिळते. पण या ग्राहकामध्ये एक वेगळाच क्रेझिनेस बघायला मिळाला. जनरली ग्राहक आयफोन खरेदी करण्यासाठी डेबिट कार्ड, क्रेडिट कार्डचा आधार घेतात. पण हा व्यक्ती थेट बाथटब भरुन चिल्लर घेऊन गेला.