कॅफे आहे की 'वसुली भाई'; ज्या गोष्टीसाठी गॅसची गरज नाही, त्यावरही घेतले ५ टक्के Gas Crisis शुल्क

गॅस टंचाईमुळे रेस्टॉरंट आणि कॅफे व्यवसायिकांवर परिणाम झाला आहे. पण, या संकट काळात वसुलीचे धोरण अवलंबल्याचे दिसत आहे. एक बिल सोशल मीडियावर व्हायरल झाले आहे. ते वाचून तुम्हीही अवाक् व्हाल.

बंगळुरूतील एका कॅफेचे बिल सोशल मीडियावर व्हायरल झाले आहे. त्यात कॅफेने ५ टक्के गॅस संकट शुल्क आकारल्याचे स्पष्ट उल्लेख केला आहे. पण, कळस म्हणजे ज्या गोष्टीसाठी गॅसची गरजच लागत नाही, त्यावर हे शुल्क घेण्यात आले आहे. त्यामुळेच हे बिल बघून अनेकजण डोक्याला हात मारून घेत आहेत. 

हे बिल ज्या कॅफेचे आहे, त्याचे नाव आहे थियो कॅफे. या कॅफे ब्रॅण्ड्ची बऱ्याच ठिकाणी आउटलेट्स आहेत. कोथनूरमधील या कॅफेचे बिल एका सोशल मीडियावरून पोस्ट करण्यात आले. हे बिल पोस्ट करताना व्यक्तीने म्हटलंय लिंबूपाण्यावर गॅस क्रायसिस चार्ज. 

व्यक्तीने कॅफेमध्ये लिंबूपाणी मागवले. त्याला बिल देण्यात आले. १७९ रुपयांच्या लिंबूपाण्यावर त्याला ५ टक्के म्हणजे १७.०१ रुपये गॅस क्रायसिस शुल्क आकारण्यात आले. 

“Gas crisis charge” on a lemonade 🤣

Source: r/bangalore pic.twitter.com/wkAU1QIsNl

— Pakchikpak Raja Babu (@HaramiParindey) March 15, 2026

हे बिल बघून लोकही अवाक् होत आहेत. कारण लिंबूपाणी बनवण्यासाठी गॅसची गरजच नसते. मग कॅफेने ५ टक्के शुल्क कसे घेतले, असा प्रश्न सगळे विचारत आहेत. लिंबूपाणी बनवण्यासाठी कोणता गॅस लागतो? असा प्रश्न एकाने केला आहे.

एकाने म्हटले आहे की, आता पुढे काय? बंगळुरू आता हवामान बदलाचेही शुल्क घेणार आहे का?, दुसऱ्या एकाने म्हटलेय की, लिंबू गॅसवर गरम करून टाकला की काय?