इंटरनेटवर सध्या एक व्हिडिओ मोठ्या प्रमाणावर व्हायरल होत आहे, ज्यामध्ये असा दावा केला जात आहे की, एका साध्या ट्रिकने तुम्ही IMDb वरील कोणताही सशुल्क चित्रपट किंवा वेब सीरिज मोफत पाहू शकता. मात्र, हा कोणताही अधिकृत मार्ग नसून नेटकऱ्यांना जाळ्यात ओढण्याचा एक खतरनाक सापळा असू शकतो.
नेमकी काय आहे ही 'IMDb Play Trick'?
व्हायरल होत असलेल्या व्हिडिओनुसार, तुम्हाला जो चित्रपट पाहायचा आहे, त्याचे नाव IMDb वर सर्च करायचे असते. त्यानंतर त्या चित्रपटाच्या यूआरएल (URL) मध्ये बदल करायचा असतो. उदाहरणादाखल, जर लिंक www.imdb.com/title/... अशी असेल, तर त्यात बदल करून ती www.playimdb.com/title/... अशी करायला सांगितली जाते. असे केल्यावर तो चित्रपट खरोखरच प्ले व्हायला लागतो, असा दावा केला जातो.
हा 'जुगाड' का धोकादायक आहे?
वरवर पाहता ही ट्रिक काम करत असल्याचे दिसत असले, तरी त्यामागील सत्य अतिशय भीतीदायक आहे:
१. खोट्या वेबसाईटचा वापर: playimdb.com ही कोणतीही अधिकृत वेबसाईट नसून ती एक बनावट (Fake) वेबसाईट आहे. जेव्हा तुम्ही मूळ IMDb लिंकमध्ये बदल करता, तेव्हा तुम्ही प्रत्यक्षात एका असुरक्षित आणि अनोळखी सर्व्हरवर पोहोचता.
२. व्हायरसचे धोके : अशा प्रकारच्या अनधिकृत वेबसाईटवर तुमचे खाजगी तपशील चोरीला जाण्याची मोठी भीती असते. एकदा तुम्ही अशा लिंकवर क्लिक केले की, तुमच्या डिव्हाइसमध्ये मालवेअर किंवा व्हायरस शिरण्याची शक्यता असते.
३. पायरेसी आणि बेकायदेशीर कृत्य: हा प्रकार पूर्णपणे बेकायदेशीर असून पायरेसीला प्रोत्साहन देणारा आहे. अशा वेबसाईटवर चित्रपट पाहणे हे सायबर गुन्ह्याच्या कक्षेत येऊ शकते.
४. बँकिंग फ्रॉडची शक्यता: अनेकदा अशा वेबसाईट तुमची ओळख चोरून तुमच्या बँकिंग व्यवहारांवर देखील डल्ला मारू शकतात. सायबर तज्ञांच्या मते, केवळ यूआरएलमध्ये फेरफार करून चित्रपट दाखवणाऱ्या वेबसाईट या 'फिशिंग' (Phishing) करण्यासाठी तयार केलेल्या असतात.
काय काळजी घ्याल?
शॉर्टकट टाळा: मोफत चित्रपट पाहण्याच्या नादात कोणत्याही अनोळखी लिंकवर क्लिक करू नका.
अधिकृत प्लॅटफॉर्मचाच वापर करा: जर तुम्हाला चित्रपट पाहायचे असतील, तर नेटफ्लिक्स, प्राइम व्हिडिओ किंवा हॉटस्टार यांसारख्या अधिकृत ॲप्सचाच वापर करा.
यूआरएल नीट तपासा: कोणत्याही वेबसाईटवर जाण्यापूर्वी त्याची स्पेलिंग आणि 'https' सुरक्षितता तपासा.
"फुकट ते पौष्टिक" या म्हणीनुसार मोफत चित्रपट पाहण्याचा मोह कोणालाही होऊ शकतो, पण तो मोह तुमच्या सायबर सुरक्षिततेसाठी घातक ठरू शकतो. त्यामुळे अशा 'प्ले आयएमडीबी' (PlayIMDb) सारख्या ट्रिकपासून लांब राहा आणि स्वतःला सायबर ठगबाजांपासून वाचवा.
Web Summary : A viral IMDb movie trick promising free films leads to fake websites and potential malware. It risks data theft, banking fraud and promotes piracy. Use official platforms and verify URLs to stay safe from cyber scams.
Web Summary : फ्री फिल्मों का वादा करने वाली एक वायरल आईएमडीबी मूवी ट्रिक नकली वेबसाइटों और संभावित मैलवेयर की ओर ले जाती है। यह डेटा चोरी, बैंकिंग धोखाधड़ी का जोखिम है और पायरेसी को बढ़ावा देता है। साइबर घोटालों से सुरक्षित रहने के लिए आधिकारिक प्लेटफॉर्म का उपयोग करें और यूआरएल सत्यापित करें।