उत्तर प्रदेशातील हरदोई जिल्ह्यातील ग्रामाण भागात ग्रामपंचायत निवडणूकीदरम्यान एक काळजाचा ठोका चुकवणारी घटना घडली आहे. उत्साहाच्याभरात एका माणसाला आपला जीव गमवावा लागला आहे. या घटनेतील मृत व्यक्तीची पत्नी निवडणूकीसाठी उभी होती. पत्नीला मत द्या अशा आशयाचं पोस्टर लावायला गेला असताना या माणसाचा जागीच मृत्यू झाला आहे.
या घटनेनंतर संपूर्ण गाव हारदलं असून कुटुंबातील लोक मानसिक धक्क्यात आहेत. आपल्या आणि पत्नीच्यावतीनं होळीच्या शुभेच्छा देण्यासाठी हा माणूस शिडीवर चढून बॅनर लावत होता. त्याचवेळी ११००० वोल्टची वीज प्रवाहित होत होती. विजेच्या संपर्कात आल्यानं हा माणूस शिडीवरून खाली पडला आणि काही क्षणातच त्याचा मृत्यू झाला. ४०० खोल्या, भींतीवर सोनं-चांदी: असा आहे महाराज ज्योतिरादित्य सिंधिया यांचा महाल, ४ हजार कोटी आहे किंमत!
घटनेची माहिती मिळताच पोलिस घटनास्थळी पोहोचले आणि मृतदेह पोस्टमार्टमसाठी पाठवला आहे. मृत व्यक्तीचे नाव वीरपाल असून त्याच्या पत्नीचे नाव सत्यवती आहे. या सत्यवती या सरपंच पदाच्या उमेदवार होत्या. या घटनेनंतर लोनार क्षेत्रातील मिरगवा चौधरियापुर गावात शांतता पसरली असून लोकांमध्ये निराशेचं वातावरण आहे. दरम्यान उत्तरप्रदेश आणि आसपासच्या परिसरात सध्या निवडणूका घेतल्या जाणार आहेत. त्यासाठी लोकांची जय्यत तयारी सुरू झाली आहे. सरपंच पदाच्या उमेदवार असलेल्या सत्यवती यांचे पोस्टर लावतानाच त्यांच्या पतीचा दुर्दैवी मृत्यू झाल्यानं संपूर्ण गावाचं वातावरण बदललं आहे. Prime minister nude statue : निवडणुकांच्या १ आठवडाआधी चौकात लावला पंतप्रधानांचा न्यूड पुतळा; फोटो व्हायरल होताच......