देसी जुगाड! 'या' तरुणाने बनवली ६ सीटर इलेक्ट्रिक बाईक, एव्हरेज पाहून आनंद महिंद्रा झाले इम्प्रेस
By ऑनलाइन लोकमत | Published: December 2, 2022 01:43 PM2022-12-02T13:43:02+5:302022-12-02T14:04:01+5:30
महिंद्रा आणि महिंद्रा कंपनीचे चेअरमन आनंद महिंद्रा सोशल मीडियावर नेहमी चर्चेत असतात. ते देशातील वेगळ्या घटना तसेच वस्तुंवर आपले मत मांडत असतात.
![anand mahindra impressed by 6 seater battery bicycle invented by desi boy viral video | देसी जुगाड! 'या' तरुणाने बनवली ६ सीटर इलेक्ट्रिक बाईक, एव्हरेज पाहून आनंद महिंद्रा झाले इम्प्रेस anand mahindra impressed by 6 seater battery bicycle invented by desi boy viral video | देसी जुगाड! 'या' तरुणाने बनवली ६ सीटर इलेक्ट्रिक बाईक, एव्हरेज पाहून आनंद महिंद्रा झाले इम्प्रेस](https://d3pc1xvrcw35tl.cloudfront.net/images/840x630/mahindra_202212920601.jpg)
देसी जुगाड! 'या' तरुणाने बनवली ६ सीटर इलेक्ट्रिक बाईक, एव्हरेज पाहून आनंद महिंद्रा झाले इम्प्रेस
महिंद्रा आणि महिंद्रा कंपनीचे चेअरमन आनंद महिंद्रा सोशल मीडियावर नेहमी चर्चेत असतात. ते देशातील वेगळ्या घटना तसेच वस्तुंवर आपले मत मांडत असतात. जुगाड करुन बनवलेले वाहनांची ते दखल घेतात, गेल्या काही महिन्यापूर्वी त्यांनी सांगलीतील एका व्यक्तीने बनवलेल्या कारचे जुगाड शेअर करुन त्या व्यक्तीला बुलेरो भेट दिली होती. आता असाच एक व्हिडिओ त्यांनी ट्विट केला आहे, हा व्हिडिओ ३१ सेकंदाचा आहे.
१ डिसेंबर रोजी हा व्हिडिओ आनंद महिंद्रा यांनी ट्विट केला आहे. हा व्हिडिओ ग्रामीण भागातील असल्याचा दिसत आहे. या व्हिडिओत ६ सीटर इलेक्ट्रीक बाईक दिसत आहे. त्यांनी हा या व्हिडिओ शेअर करताना म्हटले की, मी नेहमी ग्रामीण भागातील असे ट्रान्सपोर्ट पाहून इम्प्रेस होतो, असं त्यांनी यात म्हटले आहे.
ही बाईक १० ते १२ हजारात तयार झाली आहे, एकवेळ चार्ज केल्यानंतर ती बाईक १५० किलोमीटर चालते. चालकासहीत या बाईकवरुन ६ जण प्रवास करु शकतात. हा व्हिडिओ आनंद महिंद्रा यांनी १ डिसंबर रोजी शेअर केला. या बाईकमध्ये काही बदल करुन आंतरराष्ट्रीय स्तरावर याचा उपयोग होऊ शकतो, युरोप मधील गर्दीत या बाईकचा चांगला वापर होऊ शकतो, असं महिंद्रा यांनी यात म्हटले आहे.
With just small design inputs, (cylindrical sections for the chassis @BosePratap ?) this device could find global application. As a tour ‘bus’ in crowded European tourist centres? I’m always impressed by rural transport innovations, where necessity is the mother of invention. pic.twitter.com/yoibxXa8mx
— anand mahindra (@anandmahindra) December 1, 2022
आनंद महिंद्रा यांच्या या ट्विटला आतापर्यंत ३० हजारपेक्षा जास्त लाईक्स मिळाले असून, ४ हजार रिट्विट मिळाले आहेत. यात अनेक नेटकऱ्यांनी प्रतिक्रियाही दिल्या आहेत. एका युझरने यात म्हटले, भारतात टॅलेंटला कमी नाही.