ढगफुटी झाली आणि पूर आला; गाडी नदीत अडकता ड्रायव्हर चढला टपावर, पुढे काय झालं?

Flood Viral Video: उत्तराखंडमध्ये मागील काही दिवसांपासून तुफान पाऊस सुरू आहे. काही ठिकाणी परिस्थिती कठीण बनली असून, एक व्हिडीओ सोशल मीडियावर सध्या फिरत आहे. 

Rain Viral Video: उत्तराखंडमध्ये पावसाने कहर केला. मागील काही दिवसांपासून उत्तराखंडमध्ये संततधार पाऊस सुरू असून, उत्तरकाशी जिल्ह्यात ढगफुटी झाल्याने नदी-नाल्यांना पूर आला. उत्तरकाशी जिल्ह्यातील मोरी तालुक्यात असलेल्या लिवाडी-फिताडी मार्गावर गाडी पुराच्या पाण्यात अडकली. पाणी वाढत असल्याचे बघून गाडीचा चालक टपावर आला. या घटनेचा व्हिडीओ व्हायरल होत आहे. 

'लोकमत'चं WhatsApp चॅनल फॉलो करा!

सोशल मीडियावर जो व्हिडीओ व्हायरल होतोय, तो उफनती नदीतील आहे. गाडी घेऊन जात असताना नदीच्या पाणीपातळीत वाढ झाली आणि गाडी अडकली. गाडी वाहत जाऊन एका खडकाजवळ अडकली. गाडी फक्त चालकच होता. 

गाडीच्या छतावर जीव मुठीत घेऊन बसला

नदीच्या पाणी वाढत असल्याचे बघून चालक बाहेर आला आणि छतावर गेला. त्याने नदीच्या प्रवाहातून पडण्याचाही प्रयत्न केला. पण, पाणी वेग खूप असल्याने तो छतावरच बसला. ही माहिती स्थानिक लोकांना मिळाली. त्यांनी प्रशासनाला याची माहिती दिली. 

गावकऱ्यांमुळे मिळाले जीवदान

प्रशासन आणि पोलीस मदतीसाठी येण्याची वाट न बघता गावकऱ्यांनी त्या चालकाला बाहेर काढण्याचे प्रयत्न सुरू केले. दोरखंड त्याच्या दिशेने फेकण्यात आले. त्यानंतर त्याला गावकऱ्यांनी सुखरुप बाहेर काढले. गावकऱ्यांच्या प्रसंगावधानामुळे चालकाला जीवदान मिळाले. 

चारधाम यात्रा स्थगित

हवामान विभागाने पुढील काही दिवस उत्तराखंडमधील काही भागात मुसळधार पावसाचा इशारा दिला आहे. मागील काही दिवसांपासून सुरू असलेल्या पावसामुळे आधीच व्यवस्था कोलमडली असून, आगामी काळात सावधगिरी म्हणून चारधाम यात्रा स्थगित करण्यात आली आहे. 

वीडियो उत्तरकाशी जिले के दूरस्थ गांव लवाडी फ़िताडी की बताई जा रही है। जहां अभी तक उचित मार्ग की व्यवस्था नहीं है। अब बताइए हैंडसम धामी क्या क्या कर रहे हैं। अफसोस की यहां के विधायक भी सत्तापक्ष के है तब भी यह हाल है। pic.twitter.com/jO47RRUZhC

— FearLess PahaDi (@JaguriDhani) June 30, 2025

डोंगर, नद्या या भागात सतर्कता बाळगण्याचे आदेश सरकारने प्रशासनाला दिले आहेत. पर्यटक आणि स्थानिकांनाही धोक्याच्या ठिकाणी जाण्यापासून टाळण्याचे आवाहन करण्यात आले आहे.