निकेत पावसकर
सिंधुदुर्ग : महिलांच्या हातची चवही ज्याच्या हातातील जादूमय चवीपुढे लोक विसरून जात आणि मस्त गरमागरम कांदा भजीवर असंख्य खवय्ये ताव मारीत असल्याचे चित्र गेली अनेक वर्षे मुंबई-गोवा महामार्गावरील नांदगाव तिठ्यावरील कोळंबा वडापाव सेंटरमध्ये दिसून येत होते.
वेगळ्याच शैलीने आणि अस्सल कोकणी पद्धतीने बनविलेली कांदा भजी खाण्यासाठी नांदगावच्या चोहोबाजूंनी गर्दी व्हायची. प्रत्येक खवय्याला तेवढ्याच मनापासून कोळंबा वडापाव सेंटरचे मालक संजय मोर्ये भजी द्यायचे. परंतु, महामार्गाच्या चौपदरीकरणात आता ही जागा ते बदलणार आहेत. यामुळे सायंकाळी या टपरीवर अनेकांच्या रंगणाऱ्या गप्पांचे ठिकाण बदलणार आहे.गेली कित्येक वर्षे मुंबई-गोवा महामार्गावर कणकवली ते खारेपाटण आणि फोंडा ते देवगड भागातील अनेकांचे विसाव्याचे ठिकाण असलेल्या कोळंबा वडापाव सेंटरची जागा आता चौपदरीकरणामुळे बदलणार आहे. मात्र, काही झालेतरी कांदाभजी चवीने खाणार त्याला संज्याभाय देणार याच्याशी ते ठाम आहेत. अनेकांचे संध्याकाळी भेटण्याचे हे ठिकाण होते.
या भागातील समस्त भजी, वडा खवय्यांच्या मनात संज्या हे नाव कोरले गेलेले आहे. भजी, वडापाव खाता खाता वरून चहाचा घोट घेत हास्यविनोद, गप्पागोष्टी, एकमेकांशी चर्चा, मिस्कीलपणे सुरू असलेली चेष्टामस्करी करतानाच अनेक राजकीय चर्चाही येथे रंगायच्या.कोळंबा वडापाव सेंटर नाव असलेली संजय मोरये यांची गाडी तिठ्यावर चार वाजल्यानंतर सुरू व्हायची. रात्री साडेनऊपर्यंत या टपरीवर अनेक ठिकाणच्या खवय्यांची लगबग सुरू असायची. जिल्ह्याचे प्रवेशद्वार असलेल्या खारेपाटण ते कणकवलीपर्यंत महामार्गावर कांदाभजी खायची म्हटली की अनेकांच्या तोंडातून आपोआप नाव येते ते म्हणजे नांदगाव येथील संजय मोरये यांचेच.या भागातील मुंबईकर चाकरमानी गावी आल्यावर एकदातरी येऊन संजयकडील भजी, वडा खाल्ल्याशिवाय जात नाहीत आणि कांदाभजीची चव अनेक महिने जिभेवर रेंगाळत राहते. कारण संजयनेही काही पथ्य पाळली आहेत.
कितीही गर्दी झाली तरीदेखील गिºहाईक निघून जाईल म्हणून अर्धवट भाजलेली कच्ची भजी किंवा वडे कधीच कुणाला दिले नाहीत. तर भजी प्लेट चहाची ग्लास नेहमी संजयकडे स्वच्छ आणि चकाचक पहायला मिळतात.मात्र, आता चौपदरीकरण कामामुळे ही जागा बदलेल आणि अनेकवर्षे ज्या मित्रांनी व इतरांनी आपला वेळ मजेत घालवला ते ठिकाण बदलेल. संजयच्या महामार्गालगतच नवीन जागेत पुन्हा एकदा मित्रांच्या खवय्यांच्या गप्पा गोष्टी रंगतील. मात्र जुन्या जागेची आठवण विसरणे शक्य नसेल.नियम म्हणजे नियमकाहीवेळा तासन्तास थांबावे लागले तरी चालेल. मात्र, अनेकजण आपल्या जिभेचे चोचले येथेच पुरे करतात. कांदाभजी ही संजयची खासियत असल्याने अनेकदा तिथे खूप वेळ उभे रहावे लागते. अशावेळी आपल्या ओळखीचा किंवा अगदी जवळचा मित्र जरी आला तरीदेखील जो पहिला त्याला प्रथम याप्रमाणे तिथे भजी अथवा वडापाव मिळतो. त्यांच्याकडे नियम म्हणजे नियम हे सूत्र पाळले जाते.संजय मोरये आपल्या भजी, वडापाव गाडीवर काम करताना दिसत आहेत.