सावंतवाडी : माझे सर्व लढे हे शांततेसाठी होते. व्यक्ती विरोधात लढाई कधीच नव्हती. त्यामुळे माझ्यावर कटकारस्थानाचा आरोप करणे चुकीचे असून खासदार नारायण राणे कुटुंबाला त्रास दिला अशी टीका आता करणे योग्य नाही. लोकांमध्ये संभ्रम निर्माण करण्याचा हा प्रयत्न आहे असा खुलासा आमदार दीपक केसरकर यांनी केला. तसेच राणे यांची इच्छा असताना कुणामुळे युती तुटली याचा आता मंत्री नितेश राणे यांनीच बोध घ्यावा असे आवाहनही केले. ते शनिवारी सावंतवाडीत आयोजित पत्रकार परिषदेत बोलत होते. केसरकर म्हणाले, मल्टीस्पेशालिटी हॉस्पिटल वरून माझ्यावर टीका केली जाते. पण या हॉस्पिटलची संकल्पना कोणाची होती हे पहिले बघा. हे हॉस्पिटल मंजूर करून मी आणले त्याला ३५ कोटीचा निधी मिळवून दिला तसेच भूमिपूजन ही करण्यात आले आहे. त्यानंतर हे काम रखडण्यामागे कोण आहे याचा विचार आता जनतेने केलेलाच बरा.
वाचा- नीलेश राणेंना बळीचा बकरा केला जातोय, शिंदेसेनेचे नेते का बोलत नाहीत; मंत्री नितेश राणेंचा सवालकरारनामा काय तो सांगितला नाही येथील राजघराण्याने जो करारनामा केलेला आहे. तो अटी शर्ती विना केला असता तर एवढ्यात हे हॉस्पिटल उभे राहिले असते. पण त्यात घालण्यात आलेल्या जाचक अटीमुळे त्यावर अंतिम स्वरूप येत नसल्याचे आमदार केसरकर म्हणाले. राजघराण्याच्यावतीने लखम सावंत यांनी केलेला खुलासा अत्यंत चुकीचा आहे. त्यांनी अर्धवट माहिती लोकांपर्यंत दिली पण करारनामा काय आहे तो सांगितला नाही असेही केसरकर म्हणाले.
युती होऊ नये म्हणून कोणी प्रयत्न केले याचा बोध घ्या२०१४ मध्ये मी जी लढाई लढलो ती व्यक्ती विरोधात नव्हती त्यामुळे लोकांमध्ये संभ्रम निर्माण होईल असे बोलणे चुकीचे आहे. खरे म्हणजे सिंधुदुर्ग जिल्ह्यात युती व्हावी ही खासदार राणे यांची इच्छा होती. त्यासाठी मी दोन वेळा त्यांची भेट ही घेतली होती. पण युती होऊ नये म्हणून कोणी प्रयत्न केले याचा बोध मंत्री नितेश राणे यांनी घ्यावा असा सल्लाही केसरकर यांनी दिला.आम्ही नीलेश राणे यांच्या पाठीशी आमदार नीलेश राणे यांना एकाकी पाडल्याचे मंत्री राणे सांगत आहेत. पण आम्ही सर्वजण नीलेश राणे यांच्या पाठीशी आहोत. आम्ही कालही सोबत होतो. पण ज्या व्यक्तीच्या घरात पैसे मिळाले त्याच्यावर गुन्हा दाखल केला जात नाही. पण पैसे पकडून दिलेल्यावर गुन्हा दाखल होतो हा कुठला न्याय असा सवाल ही केसरकर यांनी केला.
Web Summary : Deepak Kesarkar refuted allegations of conspiracy, stating his battles were for peace, not against individuals. He challenged Nitesh Rane to understand who thwarted the alliance, highlighting his efforts for a multi-specialty hospital and support for Nilesh Rane.
Web Summary : दीपक केसरकर ने साजिश के आरोपों का खंडन करते हुए कहा कि उनकी लड़ाई शांति के लिए थी, न कि व्यक्तियों के खिलाफ। उन्होंने नितेश राणे को यह समझने की चुनौती दी कि गठबंधन को किसने विफल किया, एक मल्टी-स्पेशियलिटी अस्पताल के लिए उनके प्रयासों और नीलेश राणे के लिए समर्थन पर प्रकाश डाला।