फलटणमध्ये एसटीवर दगडफेक, एक प्रवासी गंभीर जखमी

जिंती नाका परिसरात पंढरपूरहून मुंबईला निघालेल्या एसटीवर एका अज्ञात व्यक्तीने दगडफेक केली. यामध्ये एक प्रवासी गंभीर जखमी झाला आहे.  मंगळवारी सकाळी ही घटना घडली आहे. 

फलटण (सातारा) : जिंती नाका परिसरात पंढरपूरहून मुंबईला निघालेल्या एसटीवर एका अज्ञात व्यक्तीने दगडफेक केली. यामध्ये एक प्रवासी गंभीर जखमी झाला आहे.  मंगळवारी सकाळी ही घटना घडली आहे. 

मिळालेल्या माहितीनुसार, पंढरपूर आगाराची बस (एमएच १४ बीटी ३१११) ही  जिंती नाका येथे आली असता अज्ञाताने दगडफेक केली. यावेळी दगड लागल्याने एसटीतील क्रमाकांच्या दोनच्या आसनावर बसलेला प्रवासी गंभीर जखमी झाला. त्याच्या कानाला दुखापत झाली आहे.

घटनेनंतर जखमी व्यक्तीला तातडीने फलटण येथील खासगी रूग्णालयात दाखल करण्यात आले. एसटीचे अधिकारी व पोलीस घटनास्थळी पोहोचत आहेत. त्यामुळे दगडफेकीचे कारण स्पष्ट झाले नाही.