वाठार स्टेशन : वाठार स्टेशन येथील शिवसाई मंगल कार्यालयात जिल्हा परिषद सदस्य संजीवराजे नाईक-निंबाळकर यांच्या हस्ते कोरोना केअर सेंटरचे उद्घाटन करण्यात आले. यावेळी प्रांताधिकारी ज्योती पाटील, तहसीलदार अमोल कदम, गटविकास अधिकारी क्रांती बोराटे, वाठार पोलीस स्टेशनचे सहायक पोलीस निरीक्षक स्वप्निल घोंगडे, पोलीस उपनिरीक्षक महेश पाटील, जिल्हा परिषद सदस्य डॉ. अभय तावरे, मंगेश धुमाळ, उपसभापती संजय साळुंखे, तालुका आरोग्य अधिकारी राजेंद्र जाधव, सरपंच नीता माने, उपसरपंच अनिल माने उपस्थित होते.
वाठार स्टेशन परिसरात सध्या कोरोनाबाधित रुग्णांची संख्या झपाट्याने वाढत असून, काही गावे हॉटस्पॉट बनली आहेत. जिल्हाधिकाऱ्यांनी पूर्ण जिल्ह्यात कडक लॉकडाऊनची अंमलबजावणी केली आहे. तरीही ग्रामीण भागात मोठ्या प्रमाणात कोरोनाबाधित रुग्ण वाढत आहेत. या पार्श्वभूमीवर प्रशासनाने वाठार स्टेशन येथे तीस बेडचे कोरोना केअर सेंटर सुरू करण्यात आले आहे. या कोरोना केअर सेंटरमध्ये विलगीकरणाची सोय करण्यात येणार आहे.
यावेळी पंचायत समितीचे माजी सदस्य अंकुश जाधव, माजी उपसरपंच नागेश जाधव, माजी सरपंच अमोल आवळे, भीमाशंकर अहिरेकर, संजय भोईटे, मंडल अधिकारी उमेश डोईफोडे, तलाठी नामदेव नाळे, एम. एस. शिंदे, एच. एस. गवळी, ए. एच. घुगे, ए. एन. जाधव उपस्थित होते.
फोटो
वाठार स्टेशन येथे नवीन कोरोना केअर सेंटरचे उद्घाटन संजीवराजे नाईक-निंबाळकर यांच्या हस्ते करण्यात आले. यावेळी प्रांताधिकारी ज्योती पाटील, तहसीलदार अमोल कदम, क्रांती बोराटे उपस्थित होते. (छाया : संजय कदम)