दानवलेवाडीत विजेच्या धक्क्याने शेतकऱ्याचा मृत्यू
By लोकमत न्यूज नेटवर्क | Updated: July 19, 2021 15:59 IST2021-07-19T15:58:18+5:302021-07-19T15:59:09+5:30
Accident Satara : माण तालुक्यातील दानवलेवाडी येथे शेताच्या बांधावर गवत काढत असताना विद्युत खांबावरील आर्थिंग तारेचा शॉक लागल्याने एका वृद्ध शेतकऱ्याचा मृत्यू झाला.
दानवलेवाडीत विजेच्या धक्क्याने शेतकऱ्याचा मृत्यू
सातारा: माण तालुक्यातील दानवलेवाडी येथे शेताच्या बांधावर गवत काढत असताना विद्युत खांबावरील आर्थिंग तारेचा शॉक लागल्याने एका वृद्ध शेतकऱ्याचा मृत्यू झाला.
बाबूराव बंडू शिंदे (वय ६०, रा. दानवलेवाडी, ता. माण, जि. सातारा) असे मृत्यू झालेल्या शेतकऱ्याचे नाव असून ही घटना दि. १८ जूलै रोजी दुपारी साडेतीन वाजण्याच्या सुमारास घडली .
याबाबत दहिवडी पोलीस ठाण्यातून देण्यात आलेली अधिक माहिती अशी की, बाबूराव शिंदे हे दानवलेवाडी येथील मावला नावाच्या शिवारात शेतातील बांधावर गवत काढत होते.
यावेळी त्यांनी विद्युत खांबाच्या आर्थिंगच्या तारेचा शॉक लागून त्यांचा मृत्यू झाला. याबाबतची खबर मालोजी एकनाथ शिंदे (वय ४५, रा. दानवलेवाडी) यांनी दहिवडी पोलीस ठाण्यात दिल्यानंतर त्याची नोंद झाली आहे. अधिक तपास सहायक फौजदार एम. जे. राऊत हे करत आहेत.
