शिरवळ येथे डंपर-टेम्पोची धडक; एक जण जखमी
By लोकमत न्यूज नेटवर्क | Published: April 7, 2021 04:41 AM2021-04-07T04:41:17+5:302021-04-07T04:41:17+5:30
शिरवळ : आशियाई महामार्ग ४७ वरील शिरवळ गावच्या हद्दीमध्ये लॉकीम फाट्यालगत डंपर व टेम्पोच्या झालेल्या जोरदार धडकेमध्ये व्हॅनचे मोठ्या ...
![Dumper-tempo hit at Shirwal; One person was injured | शिरवळ येथे डंपर-टेम्पोची धडक; एक जण जखमी Dumper-tempo hit at Shirwal; One person was injured | शिरवळ येथे डंपर-टेम्पोची धडक; एक जण जखमी](https://d3pc1xvrcw35tl.cloudfront.net/images/840x630/satara-marathi-default-image_202012534171.jpg)
शिरवळ येथे डंपर-टेम्पोची धडक; एक जण जखमी
शिरवळ : आशियाई महामार्ग ४७ वरील शिरवळ गावच्या हद्दीमध्ये लॉकीम फाट्यालगत डंपर व टेम्पोच्या झालेल्या जोरदार धडकेमध्ये व्हॅनचे मोठ्या प्रमाणात नुकसान झाले असून, टेम्पोचालक गंभीर जखमी झाला आहे. यामध्ये टेम्पोचालक हणमंत दिनकर मांगे (वय ३१, रा. वडगाव शेरी, पुणे) असे गंभीर जखमी झालेल्या टेम्पोचालकाचे नाव आहे.
याबाबतची शिरवळ पोलिसांनी दिलेली अधिक माहिती अशी की, वडगाव शेरी येथून भीमराव वाघ यांच्या मालकीचा टेम्पो (एमएच-१२-पीक्यू-६९५७) मधून सुरूर येथील डीमार्ट या ठिकाणी आटा खाली करण्याकरिता टेम्पोचालक हणमंत मांगे हे आले होते. ते खाली केल्यानंतर परत पुणे बाजूकडे जाताना टेम्पो हा शिरवळ, ता. खंडाळा गावच्या हद्दीमधील लॉकीम फाट्याजवळ आला असता त्या ठिकाणी अचानक डंपर (एमएच-११-सीएच-६८८१) याचे टायर फुटल्याने महामार्गावरच डंपर थांबल्याने टेम्पोची पाठीमागून डंपरला जोरदार धडक बसली.
ही धडक एवढी जोरदार होती की टेम्पोचे नुकसान होऊन टेम्पोचालक हणमंत मांगे हे गंभीर जखमी झाले. याबाबतची माहिती मिळताच शिरवळ पोलिसांनी गंभीर जखमी टेम्पोचालक हणमंत मांगे यांना शिरवळ येथील खासगी रुग्णालयामध्ये दाखल केले.
या घटनेची फिर्याद हणमंत मांगे यांनी शिरवळ पोलीस स्टेशनला दिली असून, अधिक तपास सहायक पोलीस उपनिरीक्षक रमेश वळवी हे करीत आहे.