उद्धवसेनेची सांगली जिल्हा परिषदेत ‘एंट्री’! अभिजीत पाटलांचा मोठा विजय

शिवसेनेच्या विभाजनानंतर शिंदेसेना आणि उद्धवसेनेने जिल्हा परिषद व पंचायत समिती निवडणुकीत उमेदवार उभे केले हाेते. शिंदेसेनेने सर्वच तालुक्यात उमेदवार उभे करत ताकद दाखवून दिली.

लोकमत न्यूज नेटवर्क

सांगली : शिवसेनेच्या विभाजनानंतर पहिल्याच निवडणुकीत उद्धवसेनेचे जिल्हाप्रमुख अभिजीत पाटील यांनी चिकुर्डे गटात विजय मिळवला. महापालिका आणि नगरपालिका निवडणुकीत आलेल्या अपयशानंतर जिल्हा परिषदेत उद्धवसेनेने चंचूप्रवेश मिळवल्याचे दिसून येत आहे.

शिवसेनेच्या विभाजनानंतर शिंदेसेना आणि उद्धवसेनेने जिल्हा परिषद व पंचायत समिती निवडणुकीत उमेदवार उभे केले हाेते. शिंदेसेनेने सर्वच तालुक्यात उमेदवार उभे करत ताकद दाखवून दिली. परंतू त्या तुलनेत उद्धवसेनेकडे फारचे उमेदवार नव्हते. महापालिका निवडणुकीत शिंदेसेनेचे दोन उमेदवार निवडून आले. तर उद्धवसेनेला अपयश आले. जिल्हा परिषद निवडणुकीत दोन्ही सेनेपैकी कोण बाजी मारणार? याची उत्सुकता होती. अपेक्षेप्रमाणे शिंदेसेनेने आटपाडी व खानापूर तालुक्यात जोरदार मुसंडी मारत लक्ष वेधले.

उद्धवसेनेचे जिल्हाप्रमुख अभिजीत पाटील यांनी वाळवा तालुक्यातील चिकुर्डे गटात बाजी मारली. त्यामुळे उद्धवसेनेच्या उमेदवाराने जिल्हा परिषदेत अखेर ‘एंट्री’ केली आहे. वाळवा तालुक्यात राष्ट्रवादी (शरद पवार) पक्षाचे नेते जयंत पाटील यांच्या मदतीने विजय मिळवला आहे.