पतसंस्था, बँका आणि सहकारी प्रक्रिया उद्योगांची अनुत्पादकता वाढली असून, बुडीत कर्जांचे प्रमाणही वाढत आहे. त्यामुळे बँका, सहकारी पतसंस्था अवसायनात निघाल्या असून, अनेक बँका व सहकारी संस्थांवर रिझर्व्ह बँकेने निर्बंध लादले आहेत. बँका, सहकारी पतसंस्थांच्या थकीत कर्जदारांना सध्या १४ ते १५ टक्के व्याजदर लावला जात आहे. थकीत कर्जदारांकडून कर्जवसुलीसाठी शासनाची सध्या तर कोणतीच विशेष योजना नाही. यामुळे चार बँकांसह थकीत पतसंस्थांच्या कर्जदारांकडील कर्ज वसुलीत अडचणीत येत आहेत. त्यामुळे जिल्हा उपनिबंधक नीळकंठ करे यांनी बँकांसह २२ सहकारी संस्थांची मान्यता रद्दचा सहकार आयुक्तांकडे पाठविण्याचा निर्णय घेतला आहे.
चौकट
पाच लाखांपर्यंतच पैसे मिळणार
बँकांसह सहकारी संस्थांचे परवाने रद्द झाल्यामुळे अवसायनाची प्रक्रिया सुरू होणार आहे. कर्ज वसुलीबरोबरच ठेवीदारांचे पैसे परत देण्यास सुरुवात होणार आहे. बँक, सहकारी संस्थांमधील ठेवीदारांची पाच लाखांपर्यंतची रक्कम सुरक्षित आहे. त्यामुळे बँकेतून पाच लाखांपर्यंतच पैसे मिळणार आहेत. वसंतदादा शेतकरी बँकेसह चार बँका आणि पतसंस्थांच्या खातेदारांचेही पैसे परत मिळणार आहेत.
चौकट -
मान्यता रद्द होणाऱ्या सहकारी बँका, संस्था
- वसंतदादा शेतकरी बँक (सांगली)
-दि मिरज अर्बन बँक (मिरज)
- कुपवाड अर्बन बँक (कुपवाड)
- यशवंत सहकारी बँक (मिरज)
- कपिल कृषी प्रक्रिया उद्योग (शिवणी, ता. कडेगाव)
- युगांतर मागास पतसंस्था (कडेगाव)
- श्रीराम पतसंस्था (नेवरी, ता. कडेगाव)
- वसंतदादा शाबू प्रकल्प (रामानंदनगर, ता. पलूस)
- धनलक्ष्मी पतसंस्था (खरसिंग, ता. कवठेमहांकाळ)
-सोमेश्वर पतसंस्था (बिळाशी, ता. शिराळा)
-गुरुकृपा पतसंस्था (सांगली)
- मुस्लिम जनता पतसंस्था (सांगली)
- भाग्यलक्ष्मी पतसंस्था (सांगली)
- वसंतदादा शेतकरी बँक सेवकांची पतसंस्था (सांगली)
- दि मिरज अर्बन बँक सेवकांची पतसंस्था (मिरज)
- अजिंक्य पतसंस्था (सांगली)
- संगुदादा बोंद्रे पतसंस्था (हरिपूर)
-चिंतामणीनगर पतसंस्था (सांगली)
-मिरज शहर खोकी मालक पतसंस्था (सांगली)
-श्री कृष्णेश्वर पतसंस्था (मिरज)
- वसंतदादा पतंसस्था (कवलापूर, ता. मिरज)
- हनुमान पतसंस्था (सांगली)