नेर्ले : माणसाचे सर्व गुन्हे माफ करणारे एकही न्यायालय जगाच्या पाठीवर नाही; परंतु आपल्या मुलाचे सर्व गुन्हे माफ करणारे एकमेव न्यायालय म्हणजे आई होय, असे मत प्रा. डॉ. प्रीती शिंदे यांनी व्यक्त केले.
नेर्ले (ता. वाळवा) येथे जयंत फाऊंडेशन व पाटील युवा शक्ती यांच्या वतीने आयोजित व्याख्यानप्रसंगी ‘आई’ या विषयावर त्या बोलत होत्या. अध्यक्षस्थानी युवा नेते कृष्णा बँकेचे अध्यक्ष अतुल भोसले होते.
प्रा. शिंदे म्हणाल्या, आई काळी असो वा गोरी; परंतु त्या मुलाची ती विश्वसुंदरीच असते. तिचा एक शब्द, कटाक्ष, स्पर्श मुलाला पुरेसा असतो. घराला आईच घरपण देते. आईला कधीही म्हातारी म्हणू नका; तिला आईच म्हणा. दया, क्षमा, शांतीचे दान आईच देऊ शकते.
संजय गांधी निराधार योजनेचे अध्यक्ष संजय पाटील यांनी स्वागत केले. यावेळी टीईटी परीक्षेमध्ये सलग अकरा वेळा यश प्राप्त केल्याबद्दल प्रा. कृष्णा रोकडे यांचा व गुणवंत विद्यार्थ्यांचा सत्कार करण्यात आला. पाहुण्यांचा परिचय कृष्णा कारखान्याचे संचालक दिलीप पाटील यांनी करून दिला. सरपंच छायाताई रोकडे यांनी आभार मानले.
कार्यक्रमास वसंतराव कदम, अमर शिंदे, किरण पाटील, विजय पाटील, विशाल पाटील, सर्जेराव पाटील, सविता माने, शरावती पाटील उपस्थित होते.
फोटो ओळ -१९०२२०२१-आयएसएलएम-नेर्ले न्यूज
नेर्ले (ता. वाळवा) येथे ‘आई’ या विषयावर प्रा. प्रीती शिंदे यांचे व्याख्यान झाले. यावेळी डॉ. अतुल भोसले, संजय पाटील, छाया रोकडे उपस्थित होत्या.