महाराष्ट्र नाभिक महामंडळाची कवठेमहांकाळ तालुका व शहर कार्यकारिणीची बैठक पार पडली. बैठकीत तालुक्याची कार्यकारिणी निवडण्यात आली. तालुकाध्यक्षपदी प्रवीण सपकाळ यांची निवड करण्यात आली.
तालुका संपर्कप्रमुखपदी हरीश जाधव, तालुका सचिवपदी प्रमोद सपकाळ, कवठेमहांकाळ शहराध्यक्ष रविराज सपकाळ, शहर उपाध्यक्ष सुभाष काळे, तर शहर सचिवपदी महेश सपकाळ यांची निवड करण्यात आली. संत सेना महाराज मंदिर येथे महाराष्ट्र प्रदेश उपाध्यक्षपदी प्रा. सोमनाथ जनार्दन साळुंखे यांच्या निवडीबद्दल नाभिक सेवा संघाच्या वतीने अध्यक्ष उत्तम खंडागळे यांच्या हस्ते सत्कार करण्यात आला. यावेळी आर. के. रोकडे, तेजस सन्मुख, नितीन खंडागळे, विशाल गायकवाड, माजी तालुकाध्यक्ष विजय वास्कर उपस्थित होते.
फोटो ओळ : कवठेमहांकाळ येथे प्रा. सोमनाथ साळुंखे यांच्यासह नाभिक समाजाच्या पदाधिकाऱ्यांचा सत्कार करण्यात आला.