शहरं
Join us  
Trending Stories
1
मुंबईत अग्नितांडव; कफ परेड आगीत एका मुलाचा मृत्यू, तीन जण रुग्णालयात; एकाची प्रकृती चिंताजनक
2
"भारताने इस्रायलकडून शिकायला हवे", RSS नेते भैयाजी जोशी नेमकं काय म्हणाले? धर्मांतरणावरही स्पष्टच बोलले!
3
गेल्या महिन्यातच लाँच केलेली...! मारुतीने विक्टोरिसची किंमत वाढविली, पहा नेमकी किती...
4
कतारने मोठी चूक केली...! तालिबानने युद्धविरामातील एका शब्दावर तीव्र आक्षेप घेतला, निवेदन बदलण्याची वेळ आली...
5
विकली जाणार देशातील 'ही' दिग्गज खासगी बँक; ₹२६,८५० कोटींची डील, UAE च्या या कंपनीच्या हाती येणार सूत्रं
6
अमेरिकेचे राष्ट्राध्यक्ष ट्र्म्प आणि युक्रेनच्या झेलेन्स्कींचे पुन्हा जोरदार भांडण; नकाशा बाजुला फेकला... 
7
हाँगकाँगमध्ये UAE चे कार्गो प्लेन रनवेवरून समुद्रात घसरले; विमानातील कर्मचारी वाचले, पण दोन ग्राउंड स्टाफचा मृत्यू
8
"जेव्हा हिचे हिरोईन म्हणून करिअर चालले नाही, तेव्हा...", राखी सावंतचा तमन्ना भाटियावर हल्लाबोल, म्हणाली - "लाज बाळग..."
9
दिवाळी सुरु नाही झाली तोच दिल्लीची हवा अतिविषारी बनली; आनंद विहारमध्ये गुणवत्ता ४१७ वर...
10
'त्या' तरूणाचा प्रायव्हेट पार्ट कुणी कापला? अखेर उलगडा झाला! समोर आलं धक्कादायक सत्य
11
ट्रम्पविरोधात अमेरिकन पेटून उठले, ‘नो किंग्ज’ म्हणत रस्त्यावर उतरले! सरकारी हुकुमशाहीचा विरोध
12
आजचे राशीभविष्य : सोमवार २० ऑक्टोबर २०२५; आजचा दिवस व्यापार-व्यवसायासाठी लाभदायी, जुनी येणी, प्रवास, अर्थ प्राप्तीसाठीही अनुकूल
13
महाराष्ट्राला केंद्राकडून १,५६६ कोटी मदत; अमित शाह यांची घोषणा, CM फडणवीसांनी मानले आभार
14
परकीयांनी आधी विध्वंस करून लुटले, तर नंतर आलेल्यांनी बुद्धीला लुटले: सरसंघचालक मोहन भागवत
15
राज्यात ९६ लाख खोटे मतदार; राज ठाकरेंचा आरोप, निवडणुका शांततेत हव्या तर मतदार याद्या स्वच्छ करा
16
नितीशकुमारच एनडीएचे सर्वसहमतीचे नेते असतील; अमित शाह यांच्या वक्तव्यानंतर जदयूचा दावा
17
काय सांगता! १८६ कार खरेदी, तब्बल २१ कोटींचा डिस्काऊंट दिला; ऑडी, BMW, मर्सिडिज घेतल्या
18
झामुमोने दिला ‘एकला चलो’चा नारा; महाआघाडी आता फुटीच्या उंबरठ्यावर, जागावाटपावरून मतभेद
19
बिहार निवडणूक २०२५: निवडणूक आयोगाची ‘आर्थिक गुप्तचर समिती’ ६ वर्षांनी पुन्हा सक्रिय
20
आरोपीच्या वकिलाने ५०० पानी अर्ज केला, न्यायालयाने जामीन फेटाळला; नेमके प्रकरण काय?

अंत्री बुद्रुक येथे पशुखाद्यातून विषबाधा झाल्याने नऊ संकरित गाईंचा मृत्यू

By ऑनलाइन लोकमत | Updated: May 21, 2025 23:31 IST

माजी राज्यमंत्री शिवाजीराव नाईक, विराज नाईक यांची घटनास्थळी भेट.

- विकास शहा, शिराळा अंत्री बुद्रुक (ता. शिराळा) येथे पशु खाद्यातून विषबाधा झाल्याने दत्तात्रय उर्फ भावड्या उत्तम मोरे यांच्या पाच ते सहा वर्ष वयाच्या नऊ संकरित गाईंचा मृत्यू झाला आहे. अवघ्या पंधरा मिनिटात होत्याचे नव्हते झाले. या घटनेमुळे परिसरात हळहळ व्यक्त केली जात आहे. आठ संकरित गाईंना गाभण असल्याने पशु खाद्य न घातल्याने त्याचा जीव वाचला आहे. या गाईंच्या मृत्यूमुळे मोठे आर्थिक नुकसान झाले आहे. 

'लोकमत'चं WhatsApp चॅनल फॉलो करा!

दत्तात्रय मोरे यांनी आज सकाळी नऊ वाजेच्या दरम्यान नऊ गाईंना पशुखाद्य खाण्यासाठी टाकले. आठ गाईंना पशुखाद्य द्यायचे नसल्याने टाकले नाही. पशुखाद्य खाल्यावर अवघ्या दहा मिनिटातच या गाईंचे पोट फुगू लागले व एक एक करत नऊ गाई खाली कोसळल्या. 

यावेळी तातडीने पशुवैद्यकीय अधिकाऱ्यांना बोलविले. त्यांनी तपासणी केली त्याचा काहीही उपयोग झाला नाही. काही मिनिटात या सर्व नऊ गाईंचा मृत्यू झाला.

या सर्व गाई ३० ते ३५लिटर दूध देत होत्या. त्यांचा मृत्यू नक्की कशामुळे झाला, यासाठी पशुखाद्य नमुने तसेच गाईंचे शवविच्छेदन करून त्याचे काही नमुने तपासणीसाठी पाठवण्यात आले आहेत. यामधे काही घातपात आहे का याचाही तपास पोलीस करीत आहेत.

यावेळी माजी राज्यमंत्री शिवाजीराव नाईक व विराज नाईक यांनी समक्ष भेट दिली. तहसीलदार शामला खोत पाटील, गटविकास अधिकारी प्रकाश पोळ, पशुसंवर्धन अधिकारी डॉ.सतीश कुमार जाधव, डॉ.सुनील पाटील, रवींद्र मटकरी,डॉ. एस एन खोत, डॉ. कैलास पोकळे,डॉ. दीपक पाटील यांनी तात्काळ भेट दिली. 

शिवाजीराव नाईक म्हणाले, पशुखाद्य ज्या कंपनीचे आहे त्यांनी  शेतकरी अडचणीतून बाहेर येणे साठी योग्य तपास करून याची शहा निशा होणे गरजेचे आहे. शेतकऱ्याला योग्य न्याय मिळावा या पद्धतीने पंचनामे करणे साठी सूचना दिल्या. सदरची घडलेली घटना ही अतिशय वाईट आहे.

या गाईंचा मृत्यू विषबाधेमुळे झाला आहे. सर्व नऊ गाईंचे शवविच्छेदन करण्यात आले आहे. या गाईंचे काही अवयव तसेच याचबरोबर गाईंनी खाल्लेले गवत, पशुखाद्य पुढील तपासणीसाठी पोलिसांमार्फत पुणे येथे पाठवण्यात आले आहेत. -डॉ.सतीश जाधव, पशुसंवर्धन अधिकारी, शिराळा 

दत्तात्रय मोरे अंत्री बुद्रुक यांच्या ९ गायी विष बाधा होऊन दगावल्या या या घटनेची माहिती मिळाल्या नंतर आमदार सत्यजित देशमुख यांनी मोरे कुटुंबायांची दूरध्वनीवरून विचारपूस केली. जिल्हा पशु वैद्यकीय अधिकारी, गटविकास अधिकारी,  तहसीलदार, पोलीस निरीक्षक  यांना घटने ची चौकशी करण्याचे आदेश दिले.

टॅग्स :cowगायDeathमृत्यूAnimalप्राणीPoliceपोलिस