Raigad News | Latest Raigad News in Marathi | Raigad Local News Updates | ताज्यबातम्या रायगड | रायगड समाचार | Raigad Newspaper

कोल्हापूर : अखिल भारतीय शिवराज्याभिषेक महोत्सव समितीतर्फे शुक्रवार, ६ जून रोजी रायगडावर शिवराज्याभिषेक सोहळा साजरा होणार आहे. या सोहळ्यासाठी कोल्हापुरात जय्यत तयारी सुरू आहे. पूर्वतयारीसाठी एकूण चार खासगी बसमधून सुमारे चारशे कार्यकर्ते मंगळवारपर्यंत रायगडावर दाखल झाले आहेत. या सोहळ्याला राज्यभरातून सहा लाखांहून अधिक शिवप्रेमी उपस्थित राहणार आहेत, असा अंदाज आहे.रायगडावर जाणाऱ्या शिवप्रेमींसाठी कोल्हापूर , सातारा, कऱ्हाड, पंढरपूर तसेच कोकणातून एसटी बसची व्यवस्था केलेली आहे. प्रशासनाने वेगवेगळ्या शासकीय यंत्रणेच्या माध्यमातून तयारी पूर्ण केली आहे. रायगडाच्या पायथ्याला पाचाड येथील जिजामाता यांच्या वाड्याजवळील कवडीचा माळ येथे वाहनतळ उभारले आहे. येथे दोन मोठे वाहनतळ तयार केले आहेत. तेथे बसने शिवप्रेमींना आणून सोडले जाणार आहे.वाहनतळावरून गडाच्या पायथ्यापर्यंत शिवप्रेमींना नेण्यासाठी ३०० एसटी बसची व्यवस्था, पाच ठिकाणी अन्नछत्र उभारले आहे. याशिवाय मंडप उभारणी, ध्वनियंत्रणा, स्नानगृह, स्वच्छतागृहांची मोठी व्यवस्था केली आहे. एमटीडीसीमध्ये महिलांच्या निवासाची सोय केली आहे. शिवभक्त नियंत्रण समितीत काम करण्यास इच्छुक हजारो स्वयंसेवक कार्यकर्त्यांनी समितीच्या संकेतस्थळावर नोंदणी केलेली आहे.ढोलपथक, तुतारी, हलगीवादक जाणाररायगडावरील या सोहळ्यासाठी ढोलपथक, तुतारी, सनई-चौघडे, लेझीम पथक, झांज पथक, हलगीवादक तसेच मर्दानी खेळाचे आखाडे जाणार आहेत. त्याची तयारी सुरू आहे. फुलांच्या सजावटीसाठी फुले घेऊन जाणारे कार्यकर्ते गडावर पोहोचले आहेत.टी शर्ट, स्टीकर्सची व्यवस्थारायगडावरील या सोहळ्यासाठी जाणाऱ्या प्रत्येक कार्यकर्त्याला त्या-त्या जिल्ह्यातून स्वतंत्र टी शर्ट, झेंडे तसेच स्टीकर्स देण्यात आले आहेत. स्टीकर्समुळे खासगी वाहनातून येणाऱ्या शिवप्रेमींना टोलनाक्यावर अडविले जाणार नाही. टोलशिवाय या कार्यकर्त्यांना गडावर पोहोचणे सोयीचे जाणार आहे.

Raigad (Marathi News)

मंत्री भरत गोगावले यांच्यासह माजी खासदार संभाजीराजे यांनी विद्यार्थ्यांच्या या कार्याचे कौतुक केले ...

मुंबईत बसून टीकाटिप्पणी नको; एक पैसाही नको, तो आम्ही उभा करू.. ...

हा सोहळा ‘याचि देही याचि डोळा’ पाहण्यासाठी देशभरातून लाखो शिवभक्तांनी गडावर हजेरी लावली होती. ...

२९ ऑगस्टला मराठा समाजाला आरक्षण मिळवून देणार- मनोज जरांगे पाटील ...

जिल्हा प्रशासनाकडून विविध समित्या स्थापन ...

प्रकल्पांसाठी जागेची उपलब्धता करण्यात येत असल्याचे उद्योग मंत्री उदय सामंत यांनी सांगितले. ...

राज्यभरातून सहा लाखांहून अधिक शिवप्रेमी उपस्थित राहणार ...