Raigad News | Latest Raigad News in Marathi | Raigad Local News Updates | ताज्यबातम्या रायगड | रायगड समाचार | Raigad Newspaper

मधुकर ठाकूरउरण : जेएनपीएमध्ये अत्याधुनिक शिक्षण व विकास केंद्र स्थापन करण्यात येणार आहे. जेएनपीए, यशवंतराव चव्हाण महाराष्ट्र मुक्त विद्यापीठ आणि बीव्हीजी इंडिया लिमिटेडचा हा एकत्र प्रकल्प असून देशातील लॉजिस्टिक कौशल्यविकास क्षेत्रातील एक महत्त्वाचा टप्पा ठरणार आहे. याद्वारे येत्या पाच वर्षात २५ हजारांहून अधिक रोजगाराच्या संधी उपलब्ध होणार आहेत.वाहन चालकांना जागतिक स्तरावरील मान्यता मिळणार असून, त्यांना भारताबरोबरच युरोपसह जपान आणि आदी देशांमध्ये रोजगाराच्या संधी उपलब्ध होणार असल्याची माहिती जेएनपीए तथा व्हीपीपीएलचे अध्यक्ष उन्मेष वाघ यांनी ७९ व्या स्वातंत्र्य दिनानिमित्त आयोजित कार्यक्रमात शुक्रवारी ही माहिती दिली.स्वातंत्र्य दिन उत्साहात देशाचा ७९ वा स्वातंत्र्य दिन जेएनपीएने उत्साहाने साजरा केला. यावेळी प्रशासन भवनात आयोजित कार्यक्रमात वाघ यांच्या हस्ते ध्वजारोहण करण्यात आले. याप्रसंगी जेएनपीएच्या संचालक मंडळाचे सदस्य, वायसीएमओयूचे कुलगुरू प्रा. सजीव सोनवणे, विभागप्रमुख, अधिकारी आणि कर्मचारी उपस्थित होते.मोठ्या संस्थांचे प्रमाणपत्रकेंद्रात पाच वर्षांच्या कालावधीत २५ हजारांहून अधिक एचएमव्ही, एलएमव्ही चालक व साहाय्यक कर्मचाऱ्यांना निवासी व गैरनिवासी स्वरूपात मोफत जागतिक दर्जाचे प्रशिक्षण दिले जाणार आहे. यासाठी आरटीओ, एएसडीसी, आयआरयू आणि इतर संस्थांकडून प्रमाणपत्र दिले जाणार आहे.वाढवण प्रगतिपथावरजागतिक स्तरावरील वर्षाकाठी अडीच कोटी कंटेनर हाताळणी क्षमतेचे नियोजित वाढवण बंदराचे काम प्रगतिपथावर आहे.वाढवण बंदरासारख्या आगामी भव्य प्रकल्पांद्वारे भारताच्या सागरी क्षमतांना अधिक बळकटी देऊन जागतिक पोहोच वाढविण्यास सज्ज आहोत, अशी माहिती जेएनपीएचे अध्यक्ष उन्मेष वाघ या सोहळ्यात यांनी दिली.

Raigad (Marathi News)

जमिनी भांडवलदारांच्या घशात घातल्याचा आराेप ...

युरोपसह जपानमध्ये रोजगार संधी मिळणार : उन्मेष वाघ यांचा विश्वास ...