पुणे : आरोग्य उत्तम राहण्यासाठी व्यायाम करणं गरजेचं आहे. तरुणाई फिटनेस उत्तम ठेवण्यासाठी व्यायाम, योगा याकडे वळू लागली आहे. त्यातच राजकीय नेते, अभिनेते - अभिनेत्री फिट राहण्यासाठी व्यायाम आणि डायटिंगवर भर देऊ लागले आहेत. त्यामध्ये नेहमीच सोशल मीडियावर चर्चेत असणारे कलाकार आणि खासदार डॉ अमोल कोल्हे यांनी व्यायाम करतानाच खास व्हिडिओ इंस्टाग्रामवर पोस्ट केला आहे.
ट्रकचा मोठा टायर घेऊन ते जिममध्ये व्यायाम करत आहेत. हा टायर एका बाजूने उचलून पलीकडे टाकताना ते दिसत आहेत. हा टायर उचलताना किती कष्ट घ्यावे लागतात हेही त्यांनी व्हिडिओच्या माध्यमातून संगितले आहे.
''लहानपणी धुळीच्या रस्त्यांवर जुन्या टायरला एका हातातील काठीने बडवत दुसऱ्या हाताने कमरेवरून घरंगळणारी चड्डी सावरताना वाटलं नव्हता कि टायर असा घाम काढेल'' अस ते म्हणाले आहेत. तर यहा टायर तो फायर निकला.... लेकिन मै थकेगा नही साला असा विश्वासही त्यांनी व्यायाम करताना व्यक्त केला आहे.
अमोल कोल्हेंचा नेहमीच फिटनेसवर भर
छत्रपती शिवाजी महाराजांच्या भूमिका साकारतानाही कोल्हे यांनी आपला फिटनेस उत्तम ठेवला होता. कलाकार असल्यापासूनच त्यांची व्यायामाची आवडही दिसू लागली होती. अजूनही फिटनेसबाबत त्यांनी व्यायामाची आवड टिकवून ठेवली आहे.