बारामती: दारुची पार्टी करणाऱ्या तिन मित्रांमध्ये झालेल्या वादातुन एका तरुणाचा अन्य दोघा मित्रांनी दगडाने मारहाण करत खुन केल्याची धक्कादायक घटना बारामती शहरात रविवारी(दि १४) रात्री घडली. या घटनेत धक्कादायक बाब म्हणजे दोघेही खून करून थेट पोलीस ठाण्यात पोहोचले. साहेब आम्ही अविनाशची हत्या केली असे म्हणत त्यांनी स्वतःला पोलिसांच्या स्वाधीन केले.
पोलीस सुत्रांनी दिलेल्या माहितीनुसार, अविनाश उर्फ माऊली धनंजय लोंढे (वय २०,रा.बारामती)असे खून झालेल्या युवकाचे नाव आहे. अविनाश लोंढे आणि समीर इक्बाल शेख (वय २५,रा.देवळेे इस्टेट बारामती) प्रथमेश राजेंद्र दळवी (वय २०,रा.जगताप मळा,बारामती) हे तिघेजण रविवारी रात्री जुना बारामती माेरंगाव रस्त्यावर दारुची पार्टी करीत बसले होते. यावेळी दारुच्या नशेत वाद झाला. मात्र,वादाचे रुपांतर जोरदार भांडणात झाले. यामध्ये शेख आणि जगताप या दोघांनी अविनाश लोंढे यास दगडाने मारहाण केली. यामध्ये गंभीर जखमी झाल्याने त्याचा मृत्यु झाला. त्यानंतर भानावर आलेल्या जगताप आणि शेख या दोघांनी शहर पोलिसात हजर हाेत या घटनेची माहिती दिली. पोलिसांनी या दोघांना ताब्यात घेतले आहे. या प्रकरणाचा पोलीस तपास करीत आहेत.
Web Summary : In Baramati, a drunken argument between three friends escalated, resulting in the murder of one. Two suspects are in custody after confessing to fatally assaulting the victim with stones near Morgaon road.
Web Summary : बारामती में, तीन दोस्तों के बीच शराब पीने के दौरान हुई बहस घातक हो गई, जिसके परिणामस्वरूप एक की हत्या हो गई। मोरगांव रोड के पास पत्थरों से हमला करने की बात कबूलने के बाद दो संदिग्ध हिरासत में हैं।