इंदापुर तालुक्यातील भिगवणमध्ये साडीच्या दुकानात चोरी ; ३५ ते ४० लाखांचा ऐवज लंपास

दिवाळीच्या मुहुर्तावर सुरत होलसेल साडी डेपो मधुन झाली चोरी... 

भिगवण : पुणे- सोलापूर महामार्गावरील भिगवणमधील सुरत साडी होलसेल डेपोमध्ये चोरी झाली. ही घटना रविवारी रात्री २ वाजण्याच्या सुमारास घडली.

व्यावसायिक अमोल महादेव धापटे यांनी दिलेल्या माहितीनुसार, रात्रीच्या सुमारास चोरांनी दुकानात प्रवेश करुन महागड्या साड्यांची चोरी केली आहे. चोरांनी तोंडाला कापड बांधुन चोरी केली आहे. मात्र, तरीही चोरटे cctv मध्ये आले आहेत.  दुकानदाराने लावलेले सर्व cctv कॅमेरे चोरांनी बंद केले. काही कॅमेरे कापड लावुन ठेवले आणि चार तास दुकानातील साड्या चोरी करुन नेल्या आहेत.जवळपास एक वाजण्याच्या सुमारास चोर आतमध्ये शिरले आणि पहाटे  साडे चार वाजण्याच्या वेळी बाहेर पडले. तसेच या चोरीच्या घटनेत एका महिलेचा समावेश असल्याचे समोर आले आहे  असे सीसीटीव्ही मध्ये निदर्शनास आले आहे.  भिगवणमध्ये एवढ्या मोठ्या प्रमाणावर चोरी होण्याची पहिलीच वेळ आहे...