पुणे : दिवाळी सणासाठी अनेकजण आपल्या मूळ गावी गेल्याने शहरातील वाहनांची संख्या कमी झाली आहे. त्यामुळे शहरातील रस्ते रिकामे झाल्याचे चित्र आहे. रिकामे रस्ते म्हणजे सुरक्षित रस्ते असे नाही. त्यामुळे वाहनचालकांनी वाहतुकीचे नियम पाळावेत, असे आवाहन वाहतूक पोलिसांनी केले आहे.
पुणे शहरात शिक्षण, नोकरी व सेवानिवृत्तीनंतरचे जीवन, आदी कारणांसाठी महाराष्ट्राच्या कानाकोपऱ्यासह देशभरातील नागरिक मोठ्या प्रमाणात स्थायिक झाले आहेत. त्यामुळे शहरातील वाहनांची संख्याही वाढली आहे. मात्र, शहरात स्थायिक झालेले किंवा शैक्षणिक, नोकरीच्या निमित्ताने काही कालावधीसाठी शहरात राहणारे, अनेकजण दिवाळी सणासाठी आपल्या मूळ गावी जातात. त्यामुळे शहरातील रस्त्यांवरील वाहनांची संख्या कमी होते आणि रस्ते रिकामे दिसतात. असेच चित्र सध्या शहरात दिसत आहे.
या पार्श्वभूमीवर वाहतूक पोलिसांनी नागरिकांना व वाहनचालकांना वाहतुकीचे नियम पाळण्याचे आवाहन केले आहे. रिकामे रस्ते म्हणजे सुरक्षित रस्ते नव्हेत; त्यामुळे वाहनचालकांनी वेगमर्यादा पाळावी, सिग्नल तोडू नये, मोबाइल वापरत वाहन चालवू नये, सीटबेल्ट व हेल्मेटचा वापरावा, मद्यपान करून वाहन चालविणे टाळावे, असे आवाहन वाहतूक पोलिसांनी केले आहे.
Web Summary : Pune sees less traffic as many travel home for Diwali. Police urge drivers to follow traffic rules, avoid speeding, and refrain from drunk driving, emphasizing that empty roads don't guarantee safety. Prioritize responsible driving.
Web Summary : दिवाली के लिए कई लोगों के घर जाने से पुणे में यातायात कम हो गया है। पुलिस ने ड्राइवरों से यातायात नियमों का पालन करने, गति से बचने और शराब पीकर गाड़ी चलाने से बचने का आग्रह किया, यह जोर देते हुए कि खाली सड़कें सुरक्षा की गारंटी नहीं देती हैं। जिम्मेदार ड्राइविंग को प्राथमिकता दें।