आळेफाटा: टेम्पो ट्रॅव्हल बस व दुचाकी यांचे झालेल्या भीषण अपघातात दुचाकीवरील तीन परप्रांतीय कामगार ठार झाल्याची घटना नगर कल्याण महामार्गावरमहामार्गावर वडगाव आनंद शिवारात चौगुलेवस्ती जवळ बुधवारी (7 जून ) रात्री पावणे आकाराच्या वेळेस घडली.
या अपघातात योगेश रामकुमार (वय 21 रा धामणकर बिजनोर उत्तरप्रदेश) चाहत बाबुराम (वय 17 रा बिजनोर खरणगपुर उत्तरप्रदेश) संजीव कुमार नथुसिंह (वय 27 रा बिजनोर नगीना उत्तरप्रदेश) अशी मृत तरूणांची नावे आहेत. आळेफाटा पोलिसांनी दिलेल्या माहितीनुसार आळेफाटा येथून नगर कल्याण महामार्गावर जाणारी दुचाकी व कल्याण बाजुकडून भरधाव वेगात येणारी टेंम्पो ट्रॅव्हल्स यांच्यामध्ये आळेफाट्या पासून अवघ्या काही अंतरावर असलेल्या वडगाव आनंद शिवारात चौगुलेमळा येथे बुधवारी रात्री पावणेअकरा वाजेच्या दरम्यान भीषण अपघात झाला. या अपघातात दुचाकीवरील योगेश रामकुमार, संजीवकुमार नथुसिंह व चाहत बाबुराम हे गंभीर जखमी झाल्याने जागीच मृत्यू झाला. हे सर्वजण उत्तरप्रदेशमधील असून आळेफाटा येथील एका बेकरीत काम करत होते. रात्रीच्या वेळेस ते दुचाकी वरून जेवन करण्यासाठी वडगाव आनंद येथे जात होते.
अपघातानंतर ग्रामस्थ व आळेफाटा पोलिस घटनास्थळी दाखल झाले. त्यांनी दुचाकीवरील जखमींना आळेफाटा येथील दवाखान्यात दाखल केले. त्यानंतर सर्वजण मृत असल्याचे डाॅक्टर्सनी सांगितले. अपघात इतका भीषण होता की, यामध्ये दुचाकीचा चक्काचूर झाला. तसेच ट्रॅव्हल्स बसचेही नुकसान झाले. या अपघाताचा गुन्हा आळेफाटा पोलिस ठाण्यात दाखल झाला असून पोलिसांनी टेंम्पो ट्रॅव्हल्स चालक परमेश्वर दत्तात्रय आंधळे (रा भिवंडी) यास ताब्यात घेतले आहे. अधिक तपास पोलिस निरीक्षक यशवंत नलावडे यांचे मार्गदर्शनाखाली सहाय्यक पोलिस निरीक्षक सुनिल बडगुजर करत आहेत.