टोमॅटो, आले, फ्लॉवर, कोबीच्या भावात वाढ

पुणे : मार्केट यार्डातील बाजारात रविवारी (दि. २५) आले, टोमॅटो, कोबी आणि फ्लॉवरच्या भावात दहा ते वीस टक्क्यांनी वाढ झाली आहे. तर काकडी, शिमला मिरची, घेवडा, कारली आणि दोडक्याची आवक मोठ्या प्रमाणात झाल्याने भावात घट झाली आहे. इतर सर्व फळभाज्यांचे भाव स्थिर आहेत. मागील आठवड्याच्या तुलनेत पावसामुळे रविवारी भाजीपाल्याच्या आवकेमध्ये घट झाली आहे.

फळभाज्यांची आवक गेल्या आठवड्याच्या तुलनेत घटली आहे़. रविवारी मार्केट यार्डात ८० ते ९० गाड्यांची आवक झाली. इतर राज्यातून आलेल्या मालात गुजरात आणि कर्नाटकातून २ ते ३ टेम्पो कोबी, मध्य प्रदेश येथून ६ टेम्पो गाजर, गुजरात, कर्नाटक आणि आंध्र प्रदेश येथून ८ ते १० टेम्पो हिरवी मिरची, आंध्र प्रदेश आणि तमिळनाडू येथून ५ ते ६ टेम्पो शेवगा, आग्रा, इंदूर आणि गुजरातमधून बटाट्याची ३० ते ३५ ट्रक, तर मध्यप्रदेश आणि गुजरातधून ७ ते ८ ट्रक लसूण इतकी आवक झाली आहे.

राज्यातील वेगवेगळ्या भागांतून आलेल्या मालामध्ये आवकेमध्ये कोबी सुमारे ८ ते १० टेम्पो, प्लॉवर ८ ते १० टेम्पो, भेंडी ७ ते ८ टेम्पो, सातारी आले ७०० ते ८०० गोणी, गवार ७ ते ८ टेम्पो, सिमला मिरची १० ते १२ टेम्पो, टोमॅटो ६ ते ७ हजार पेटी, हिरवी मिरची ३ ते ४ टेम्पो, पावटा ४ ते ५ टेम्पो, तांबडा भोपळा ८ ते १० टेम्पो, पुरंदर, पारनेर वाई आणि साताऱ्याहून मटार १ हजार ते १२०० गोणी, कांदा ५० ट्रक, भुईमुग शेंग १५० पोती इतकी आवक झाली.

फळभाज्यांचे दहा किलोचे भाव :

कांदा : १५०-२००, बटाटा : १००-१५०, लसूण : ३००-१०००, आले : सातारी १५०-२५०, भेंडी : १५०-२००, गवार

: २००-३००, टोमॅटो : १००-१५०, दोडका : १००-२००, हिरवी मिरची : २००-३५०, दुधी भोपळा: १००-१२०, चवळी :

१५०- २००, काकडी : ८०-१००, कारली हिरवी १५०-२००, पांढरी १००-१५०, पापडी : १००-१५०, पडवळ :

१५०-१६०, प्लॉवर: १००-१४०, कोबी : १००-१४०, वांगी : १००-२००, ढोबळी मिरची : १००-२००, तोंडली : कळी २००-२५०, जाड, १००-१२०, शेवगा : २००-३००, गाजर २००-२५०, डिंगरी : १५०-२००, नवलकोल : १००-१२०, वालवर २००-३००, बीट: ६०-८०, घेवडा : ३५०-४००, कोहळा : १००-१२०, आर्वी : २००- २५०, घोसावळे : २००-२५०, ढेमसे : २००-२५०, भुईमुग शेंग : ३००-३५०, मटार: स्थानिक: ४५०-५००, पावटा: २००-२५०, तांबडा भोपळा : ६०-१००, मका कणीस : ६०-१००, सुरण : १६०-१८०, नारळ : शेकडा १०००-१६००.

-------------------------------

फोटो : मार्केट यार्डात रविवारी ढोबळी मिरची, हिरवी मिरची, गवार, आले, वॉल आदींची झालेली आवक.

(फोटो : जेएम एडिटवर पाठवले आहे. १) ढोबळी मिरची, २) हिरवी मिरची, ३) गवार, ४) आले आणि ५) वॉल)