पुणे: वैष्णवी हगवणे आत्महत्या प्रकरणातील आरोपी आणि वैष्णवीचा नवरा शशांक हगवणेला १४ जून पर्यंत पोलीस कोठडी देण्यात आली आहे. खोटे कागदपत्र सादर करत शस्त्र परवाना मिळवल्या प्रकरणी शशांक हगवणे याच्यावर वारजे पोलीस स्टेशनमध्ये गुन्हा दाखल करण्यात आला होता. दोन्ही बाजूच्या युक्तिवादानंतर न्यायालयाने शशांकला १४ जूनपर्यंत पोलीस कोठडी सुनावली आहे.
तपास अधिकारी
शस्त्र परवाना मिळवण्यासाठी अर्ज दाखल करताना खोटे कागदपत्र दाखल केले आहेत. भाडे करार जो सादर केला होता तो देखील बनावट आहे. यात इतरांनी कुणी मदत केली आहे का? त्याचा तपास करायचा आहे. जिथला पत्ता त्याने दिला तिथ त्याच्यासोबत अजून कुणी राहत होत का? जो शस्त्र परवाना मिळवला आहे त्या शस्त्राने कुणाला धमकवला आहे का? याचा तपास करायचा आहे? सदर ठिकाणी राहून काही गुन्हे केले आहेत का? याचा तपास करायचा आहे. म्हणून १३ दिवस पोलीस कोठडीची मागणी तपास अधिकाऱ्यांनी केली होती.
सरकारी वकील
भाडे करारनामा कुठं बनवला आहे. परवाना मिळावा म्हणून अजून काही गुन्हे केले आहेत का? अजून कुठले कागदपत्र दाखल केले होते जे खोटे होते याचा तपास करायचा आहे? कागदपत्र दिले ते खरे आहेत का? याचा तपास करायचा आहे.
आरोपीचे वकील
आमच्याकडे आम्ही राहत असलेलं रजिस्टर डॉक्युमेंट आहे. कुठलेही कागदपते खोटी दिले नाहीत. भाडे करार आहे. रेंट अग्रिमेंट केलं आहे. घरमालकाची देखील तक्रार नाही. सगळे कागदपत्र चेक करून परवाना दिला होता. खोटी कागदपत्र असताना परवाना दिला असेल तर पोलिसांवर कारवाई व्हायला हवी. सगळे कागदपत्र खरे आहेत तेच तपासून परवाना दिला होता.